સાર્ધત્રિશતિકાલોત્તરાગમ · અધ્યાય 21

અતઃ પરં પ્રવક્ષ્યામિ અષ્ટધા પ્રત્યયો યથા
અનગ્નિજ્વલનં ચૈવ વૃક્ષસ્યાલભનં તથા ॥

પાશાનાં સ્તોભનં ચૈવ મહાપાતકનાશનમ્
વિષસંહરણં ચૈવ નિર્બીજકરણં તથા ॥

ગ્રહજ્વરવિનાશશ્ચ પ્રત્યયો ઽષ્ટવિધઃ સ્મૃતઃ
એવં જ્ઞાત્વા તુ વિધિવત્ ખ્યાતિઃ સર્વત્ર જાયતે ॥

પ્રણવેનાગ્નિમધ્યસ્થો હકારો હ્રીં તથૈવ ચ
આદિરોં ચ નમશ્ચાન્તે અનગ્નિજ્વલને હિતમ્ ॥

અગ્નિં સ્રોતસિ સંયોજ્ય સહસ્રોદ્ઘાતસંયુતમ્
પઞ્ચાક્ષરપ્રયોગેણ જ્વલત્યેવ ન સંશયઃ ॥

ઓંકારઃ સર્વતો ઽધસ્તાદ્ રેફસ્તસ્યોર્ધ્વતઃ સ્થિતઃ
પૂર્વવત્સમ્પ્રયુક્તો ઽયં પ્રયોગો ભુવિ દુર્લભઃ ॥

શતૈઃ સપ્તભિરુદ્ઘાતૈર્ આલબ્ધો મ્રિયતે દ્રુમઃ
ભૂયસ્શ્ચાપ્યાયનં તસ્ય વારુણે સ્રોતસિ સ્થિતમ્ ॥

સ જીવતિ પુનર્વૃક્ષો યથાપૂર્વં તથૈવ સઃ
તાદૃગેવ પુનશ્ચાસૌ કિં તુ રેફવિવર્જિતઃ ॥

આપ્યાયનવિધૌ હ્યેષ પઞ્ચધા બિન્દુદીપિતઃ
ઔકારમધ્યસંયુક્તઃ પ્રણવેનાન્તદીપિતઃ ॥

ઈકારાદિઃ સ હૌ મધ્યે વહ્નિમધ્યં તતઃ પરમ્
પ્રયોગો વિષુવત્કાલે પાશાનાં સ્તોભકારકઃ ॥

શતૈઃ પઞ્ચભિરુદ્ઘાતૈઃ પતત્યેવ ન સંશયઃ
પુનશ્ચોત્થાપનં તસ્ય યથા ભવતિ તચ્છૃણુ ॥

ઈકારાદ્યન્તસંયુક્તં હૌ ચ મધ્યે નિયોજિતમ્
પ્રાણાનુસ્વારસન્દીપ્તં નમો ઽન્તં પ્રણવં પુનઃ ॥

ઉત્થાપને પ્રયુઞ્જીત સર્વભૂતેષુ તત્ત્વવિત્
તાવદ્ભિરેવ ચોદ્ઘાતૈર્ યોજનીયઃ પ્રયત્નતઃ ॥

લબીજં જીવસંવિષ્ટં હકારાદ્યન્તસંસ્થિતમ્
પૂર્વવન્મધ્યસંસ્થં ચ વાયુબિન્દુસમન્વિતમ્ ॥

યદસ્યારોહણે પ્રોક્તં ગુરુત્વં જાયતે યથા
ભૂય એવ પ્રવક્ષ્યામિ લઘુત્વં જાયતે યથા ॥

ઓંકારો હં યકારેણ હ્યૌકારો હં નમસ્તથા
તુલાપુરુષયોગો ઽયમ્ ઉદ્ઘાતૈરયુતેન તુ ॥

સ હકારો વકારેણ યકારેણ ચ દીપિતઃ
હ્યૌ મધ્યે હ્લીં નમશ્ચાન્તે વારુણેન તુ બુદ્ધિમત્ ॥

ઉદ્ઘાતાષ્ટશતેનૈવ વિષં સંહરતિ ધ્રુવમ્
યથાગ્નિજ્વલને દૃષ્ટો નિર્બીજકરણે તથા ॥

શતૈઃ પઞ્ચભિરુદ્ઘાતૈર્ વિશેષો ઽત્ર વિધીયતે
ઓંકારમાદિતઃ કૃત્વા હ્રૂંકારં તદનન્તરમ્ ॥

હ્રૌં હ્રૂં ચ ફણ્ણમશ્ચાન્તે ગ્રહાણાં નાશને મતઃ
પ્રયોગે વારુણે માર્ગે ઉદ્ઘાતાષ્ટશતેન તુ ॥

પ્રણવાદિ તતો હું ફટ્ હું ફટ્ હું ફટ્ તથૈવ ચ
ફટ્ ફટ્ ફટ્ ફટ્ ફડેવં સ્યાદ્ વારુણેન તુ બુદ્ધિમાન્
ઉદ્ઘાતાષ્ટશતેનૈવ ક્ષિપ્રં નાશયતિ જ્વરમ્ ॥