સાર્ધત્રિશતિકાલોત્તરાગમ · અધ્યાય 17

અદ્યાપિ સંશયો દેવ જ્ઞાનવિજ્ઞાનયોઃ સ્ફુટમ્
કથં વા જ્ઞાયતે જ્ઞાનં કથં વા જ્ઞેયમુચ્યતે ॥

વિજ્ઞાય પૂર્વમાધારં પશ્ચાદાધેયમેવ ચ
આધારાધેયવિત્પ્રાજ્ઞઃ સમર્થઃ સર્વકર્મસુ ॥

આધારઃ પુરમિત્યુક્તમ્ આધેયસ્ત્વીશ ઉચ્યતે
ઈશં વિજ્ઞાય મેધાવી સદા યો નન્દતિ સ્વયમ્ ॥

પુર્યષ્ટકસમાયુક્તો હ્યધ ઊર્ધ્વં સ ગચ્છતિ
શબ્દઃ સ્પર્શશ્ચ રૂપં ચ રસો ગન્ધશ્ચ પઞ્ચકમ્ ॥

બુદ્ધિર્મનસ્ત્વહઙ્કારઃ પુર્યષ્ટકમુદાહૃતમ્
યાવદેતૈર્ન નિર્મુક્તઃ કથં મુચ્યેત બન્ધનાત્ ॥

બ્રહ્મણિ સ્પર્શશબ્દૌ તુ રસં વૈ કેશવે ત્યજેત્
રૂપગન્ધૌ ત્યજેદ્રુદ્રે બુદ્ધ્યહઙ્કારમીશ્વરે
મનો બિન્દું શિવે ત્યક્ત્વા એભિર્મુક્તઃ શિવં વ્રજેત્ ॥