સાર્ધત્રિશતિકાલોત્તરાગમ · અધ્યાય 12

ચન્દ્રાગ્નિરિવ સંયુક્તા આદ્યા કુણ્ડલિની તુ યા
હૃત્પ્રદેશે તુ સા જ્ઞેયા અઙ્કુરાકારવત્સ્થિતા ॥

સૃષ્ટિન્યાસં ન્યસેત્તત્ર દ્વિરભ્યાસપદેરિતમ્
સ્રવન્તં ચિન્તયેત્તસ્મિન્ન્ અમૃતં સાધકોત્તમઃ ॥

અગ્નીષોમાત્મકં સર્વં જગત્સ્થાવરજઙ્ગમમ્
ચિન્તયેદ્વિપરીતં તુ સિદ્ધિકામઃ સમાહિતઃ ॥

સ્વદેહં ચિન્તયેદ્વિદ્વાન્ દિવ્યરૂપમનૌપમમ્
યસ્ય યત્કર્મ ચોદ્દિષ્ટં તત્કર્મ પરિચિન્તયેત્ ॥

ઇદં ચ યો ઽભ્યસેદેવમ્ અમૃતં સર્વતોમુખમ્
અચિરેણૈવ કાલેન સ સિદ્ધિફલભાગ્ભવેત્ ॥

સૃષ્ટિન્યાસમવિજ્ઞાય કથં યુઞ્જીત સાધકઃ
હન્યાન્મુષ્ટિભિરાકાશં તુષાન્કુટ્ટયતીવ સઃ ॥