સંવિત્સિદ્ધિ · શ્લોક 41-60

તથા સુરાસુરનર બ્રહ્મબ્રહ્માણ્ડકોટયઃ ॥

ક્લેશકર્મવિપાકાદ્યૈર્ અસ્પૃષ્ટસ્યાખિલેશિતુઃ ॥

જ્ઞાનાદિષાડ્ગુણ્યનિધેર્ અચિન્ત્યવિભવસ્ય તાઃ ॥

વિષ્ણોર્ વિભૂતિમહિમ સમુદ્રદ્રપ્સવિપ્રુષઃ ॥

કઃ ખલ્વ્ અઙ્ગુલિભઙ્ગેન સમુદ્રાન્ સપ્તસઙ્ખ્યયા ॥

ગણયન્ ગણયેદ્ ઊર્મિ ફેનબુદ્બુદવિપ્રુષઃ ॥

યથૈક એવ સવિતા ન દ્વિતીયો નભઃસ્થલે ॥

ઇત્ય્ ઉક્ત્યા ન હિ સાવિત્રા નિષિધ્યન્તે ઽત્ર રશ્મયઃ ॥

યથા પ્રધાનસઙ્ખ્યેય સઙ્ખ્યાયાં નૈવ ગણ્યતે ॥

સઙ્ખ્યા પૃથક્સતી તત્ર સઙ્ખ્યેયાન્યપદાર્થત્વત્ ॥

પાદો ઽસ્ય વિશ્વા ભૂતાનિ ત્રિપાદ્ અસ્યામૃતં દિવિ ॥

ઇતિ બ્રુવઞ્ જગત્ સર્વમ્ ઇત્થમ્ભાવે ન્યવેશયત્ ॥

એતાવાન્ અસ્ય મહિમા તતો જ્યાયસ્તરો હિ સઃ ॥

યત્રાન્યન્ ન વિજાનાતિ સ ભૂમોદરમ્ અન્તરમ્ ॥

કુરુતે ઽસ્ય ભયં વ્યક્તમ્ ઇત્યાદિશ્રુતયઃ પરાઃ ॥

મેરોર્ ઇવાણુર્ યસ્યેદં બ્રહ્માણ્ડમ્ અખિલં જગત્ ॥

ઇત્યાદિકાઃ સમસ્તસ્ય તદિત્થમ્ભાવતાપરાઃ ॥

વાચારમ્ભણમાત્રં તુ જગત્ સ્થાવરજઙ્ગમમ્ ॥

વિકારજાતં કૂટસ્થં મૂલકારણમ્ એવ સત્ ॥

અનન્યત્ કારણાત્ કાર્યં પાવકાદ્ વિસ્ફુલિઙ્ગવત્ ॥