સંવિત્સિદ્ધિ · શ્લોક 61-80

મૃત્તિકાલોહબીજાદિ નાનાદૃષ્ટાન્તવિસ્તરૈઃ ॥

નાશકદ્ દગ્ધુમ્ અનલસ્ તૃણં મજ્જયિતું જલમ્ ॥

ન વાયુશ્ ચલિતું શક્તસ્ તચ્ છક્ત્યાપ્યાયનાદ્ ઋતે ॥

એકપ્રધાનવિજ્ઞાનાદ્ વિજ્ઞાતમ્ અખિલં ભવેત્ ॥

ઇત્યાદિવેદવચન તન્મૂલાપ્તાગમૈર્ અપિ ॥

બ્રહ્માત્મનાત્મલાભો ઽયં પ્રપઞ્ચશ્ ચિદચિન્મયઃ ॥

ઇતિ પ્રમીયતે બ્રાહ્મી વિભૂતિર્ ન નિષિધ્યતે ॥

તન્નિષેધે સમસ્તસ્ય મિથ્યાત્વાલ્ લોકવેદયોઃ ॥

વ્યવહારાસ્ તુ લુપ્યેરંસ્ તથા સ્યાદ્ બ્રહ્મધીર્ અપિ ॥

વ્યાવહારિકસત્યત્વાન્ મૃષત્વે ઽપ્ય્ અવિરુદ્ધતા ॥

પ્રત્યક્ષાદેર્ ઇતિ મતં પ્રાગ્ એવ સમદૂદુષમ્ ॥

અતશ્ ચોપનિષજ્જાત બ્રહ્માદ્વૈતધિયા જગત્ ॥

ન બાધ્યતે વિભૂતિત્વાદ્ બ્રહ્મણશ્ ચેત્ય્ અવસ્થિતમ્ ॥

નનુ સત્ત્વે પ્રપઞ્ચસ્ય નાસ્તીતિ પ્રત્યયઃ કથમ્ ॥

અસત્ત્વે વા કથં તસ્મિન્ન્ અસ્તીતિ પ્રત્યયો ભવેત્ ॥

સદસત્ત્વં તથૈકસ્ય વિરુદ્ધત્વાદ્ અસમ્ભવિ ॥

સદસત્પ્રત્યયપ્રાપ્ત વિરુદ્ધદ્વન્દ્વસઙ્ગમે ॥

તયોર્ અન્યતરાર્થસ્ય નિશ્ચયાભાવહેતુતઃ ॥

સદસત્ત્વં પ્રપઞ્ચસ્ય જૈનાસ્ તુ પ્રતિજાનતે ॥

સત્ત્વપ્રાપ્તિં પુરઃકૃત્ય નાસ્તીતિ પ્રત્યયોદયાત્ ॥