સાહિત્યદર્પણ · અધ્યાય 9

ઇતિ સાહિત્ય-દર્પણે ગુણ-વિવેચનો નામ
અષ્ટમઃ પરિચ્છેદઃ
-ઓ)0(ઓ-
(9)
નવમઃ પરિચ્છેદઃ
રીતિ-નિર્ણયઃ
પદ-સઙ્ઘટના રીતિર્ અઙ્ગ-સંસ્થા-વિશેષવત્ ।
ઉપકર્ત્રી રસાદીનાં સા પુનઃ સ્યાચ્ ચતુર્વિધા

વૈદર્ભી ચાથ ગૌડી ચ પાઞ્ચાલી લાટિકા તથા ।
માધુર્ય-વ્યઞ્જકૈર્ વર્ણૈ રચના લલિતાત્મિકા

અવૃત્તિર્ અલ્પ-વૃત્તિર્ વા વૈદર્ભી રીતિર્ ઇષ્યતે ।
ઓજઃ પ્રકાશકૈર્ વર્ણૈર્ બન્ધ આડમ્બરઃ પુનઃ

સમાસ-બહુલા ગૌડી વર્ણૈઃ શેષૈઃ પુનર્ દ્વયોઃ ।
સમસ્ત-પઞ્ચષ-પદો બન્ધઃ પાઞ્ચાલિકા મતા

લાટી તુ રીતિર્ વૈદર્ભી-પાઞ્ચાલ્યોર્ અન્તરે સ્થિતા ।
ક્વચિત્ તુ વક્ત્રાદ્યૌચિત્યાદ્ અન્યથા રચનાદયઃ