ઋગ્વેદ · અધ્યાય 9.100

અભી નવન્તે અદ્રુહઃ પ્રિયમ્ ઇન્દ્રસ્ય કામ્યમ્ ।
વત્સં ન પૂર્વ આયુનિ જાતં રિહન્તિ માતરઃ ॥

પુનાન ઇન્દવ્ આ ભર સોમ દ્વિબર્હસં રયિમ્ ।
ત્વં વસૂનિ પુષ્યસિ વિશ્વાનિ દાશુષો ગૃહે ॥

ત્વં ધિયમ્ મનોયુજં સૃજા વૃષ્ટિં ન તન્યતુઃ ।
ત્વં વસૂનિ પાર્થિવા દિવ્યા ચ સોમ પુષ્યસિ ॥

પરિ તે જિગ્યુષો યથા ધારા સુતસ્ય ધાવતિ ।
રંહમાણા વ્ય્ અ1વ્યયં વારં વાજીવ સાનસિઃ ॥

ક્રત્વે દક્ષાય નઃ કવે પવસ્વ સોમ ધારયા ।
ઇન્દ્રાય પાતવે સુતો મિત્રાય વરુણાય ચ ॥

પવસ્વ વાજસાતમઃ પવિત્રે ધારયા સુતઃ ।
ઇન્દ્રાય સોમ વિષ્ણવે દેવેભ્યો મધુમત્તમઃ ॥

ત્વાં રિહન્તિ માતરો હરિમ્ પવિત્રે અદ્રુહઃ ।
વત્સં જાતં ન ધેનવઃ પવમાન વિધર્મણિ ॥

પવમાન મહિ શ્રવશ્ ચિત્રેભિર્ યાસિ રશ્મિભિઃ ।
શર્ધન્ તમાંસિ જિઘ્નસે વિશ્વાનિ દાશુષો ગૃહે ॥

ત્વં દ્યાં ચ મહિવ્રત પૃથિવીં ચાતિ જભ્રિષે ।
પ્રતિ દ્રાપિમ્ અમુઞ્ચથાઃ પવમાન મહિત્વના ॥