ઋગ્વેદ · અધ્યાય 9.083

પવિત્રં તે વિતતમ્ બ્રહ્મણસ્ પતે પ્રભુર્ ગાત્રાણિ પર્ય્ એષિ વિશ્વતઃ ।
અતપ્તતનૂર્ ન તદ્ આમો અશ્નુતે શૃતાસ ઇદ્ વહન્તસ્ તત્ સમ્ આશત ॥

તપોષ્ પવિત્રં વિતતં દિવસ્ પદે શોચન્તો અસ્ય તન્તવો વ્ય્ અસ્થિરન્ ।
અવન્ત્ય્ અસ્ય પવીતારમ્ આશવો દિવસ્ પૃષ્ઠમ્ અધિ તિષ્ઠન્તિ ચેતસા ॥

અરૂરુચદ્ ઉષસઃ પૃશ્નિર્ અગ્રિય ઉક્ષા બિભર્તિ ભુવનાનિ વાજયુઃ ।
માયાવિનો મમિરે અસ્ય માયયા નૃચક્ષસઃ પિતરો ગર્ભમ્ આ દધુઃ ॥

ગન્ધર્વ ઇત્થા પદમ્ અસ્ય રક્ષતિ પાતિ દેવાનાં જનિમાન્ય્ અદ્ભુતઃ ।
ગૃભ્ણાતિ રિપું નિધયા નિધાપતિઃ સુકૃત્તમા મધુનો ભક્ષમ્ આશત ॥

હવિર્ હવિષ્મો મહિ સદ્મ દૈવ્યં નભો વસાનઃ પરિ યાસ્ય્ અધ્વરમ્ ।
રાજા પવિત્રરથો વાજમ્ આરુહઃ સહસ્રભૃષ્ટિર્ જયસિ શ્રવો બૃહત્ ॥