Rig Veda · Chapter 9.083

pavitraṁ te vitatam brahmaṇas pate prabhur gātrāṇi pary eṣi viśvataḥ |
ataptatanūr na tad āmo aśnute śṛtāsa id vahantas tat sam āśata ||

tapoṣ pavitraṁ vitataṁ divas pade śocanto asya tantavo vy asthiran |
avanty asya pavītāram āśavo divas pṛṣṭham adhi tiṣṭhanti cetasā ||

arūrucad uṣasaḥ pṛśnir agriya ukṣā bibharti bhuvanāni vājayuḥ |
māyāvino mamire asya māyayā nṛcakṣasaḥ pitaro garbham ā dadhuḥ ||

gandharva itthā padam asya rakṣati pāti devānāṁ janimāny adbhutaḥ |
gṛbhṇāti ripuṁ nidhayā nidhāpatiḥ sukṛttamā madhuno bhakṣam āśata ||

havir haviṣmo mahi sadma daivyaṁ nabho vasānaḥ pari yāsy adhvaram |
rājā pavitraratho vājam āruhaḥ sahasrabhṛṣṭir jayasi śravo bṛhat ||