ઋગ્વેદ · અધ્યાય 9.082

અસાવિ સોમો અરુષો વૃષા હરી રાજેવ દસ્મો અભિ ગા અચિક્રદત્ ।
પુનાનો વારમ્ પર્ય્ એત્ય્ અવ્યયં શ્યેનો ન યોનિં ઘૃતવન્તમ્ આસદમ્ ॥

કવિર્ વેધસ્યા પર્ય્ એષિ માહિનમ્ અત્યો ન મૃષ્ટો અભિ વાજમ્ અર્ષસિ ।
અપસેધન્ દુરિતા સોમ મૃળય ઘૃતં વસાનઃ પરિ યાસિ નિર્ણિજમ્ ॥

પર્જન્યઃ પિતા મહિષસ્ય પર્ણિનો નાભા પૃથિવ્યા ગિરિષુ ક્ષયં દધે ।
સ્વસાર આપો અભિ ગા ઉતાસરન્ સં ગ્રાવભિર્ નસતે વીતે અધ્વરે ॥

જાયેવ પત્યાવ્ અધિ શેવ મંહસે પજ્રાયા ગર્ભ શૃણુહિ બ્રવીમિ તે ।
અન્તર્ વાણીષુ પ્ર ચરા સુ જીવસે ઽનિન્દ્યો વૃજને સોમ જાગૃહિ ॥

યથા પૂર્વેભ્યઃ શતસા અમૃધ્રઃ સહસ્રસાઃ પર્યયા વાજમ્ ઇન્દો ।
એવા પવસ્વ સુવિતાય નવ્યસે તવ વ્રતમ્ અન્વ્ આપઃ સચન્તે ॥