ઋગ્વેદ · અધ્યાય 9.029

પ્રાસ્ય ધારા અક્ષરન્ વૃષ્ણઃ સુતસ્યૌજસા ।
દેવાઁ અનુ પ્રભૂષતઃ ॥

સપ્તિમ્ મૃજન્તિ વેધસો ગૃણન્તઃ કારવો ગિરા ।
જ્યોતિર્ જજ્ઞાનમ્ ઉક્થ્યમ્ ॥

સુષહા સોમ તાનિ તે પુનાનાય પ્રભૂવસો ।
વર્ધા સમુદ્રમ્ ઉક્થ્યમ્ ॥

વિશ્વા વસૂનિ સંજયન્ પવસ્વ સોમ ધારયા ।
ઇનુ દ્વેષાંસિ સધ્ર્યક્ ॥

રક્ષા સુ નો અરરુષઃ સ્વનાત્ સમસ્ય કસ્ય ચિત્ ।
નિદો યત્ર મુમુચ્મહે ॥

એન્દો પાર્થિવં રયિં દિવ્યમ્ પવસ્વ ધારયા ।
દ્યુમન્તં શુષ્મમ્ આ ભર ॥