Rig Veda · Chapter 9.029

prāsya dhārā akṣaran vṛṣṇaḥ sutasyaujasā |
devām̐ anu prabhūṣataḥ ||

saptim mṛjanti vedhaso gṛṇantaḥ kāravo girā |
jyotir jajñānam ukthyam ||

suṣahā soma tāni te punānāya prabhūvaso |
vardhā samudram ukthyam ||

viśvā vasūni saṁjayan pavasva soma dhārayā |
inu dveṣāṁsi sadhryak ||

rakṣā su no araruṣaḥ svanāt samasya kasya cit |
nido yatra mumucmahe ||

endo pārthivaṁ rayiṁ divyam pavasva dhārayā |
dyumantaṁ śuṣmam ā bhara ||