ઋગ્વેદ · અધ્યાય 9.028

એષ વાજી હિતો નૃભિર્ વિશ્વવિન્ મનસસ્ પતિઃ ।
અવ્યો વારં વિ ધાવતિ ॥

એષ પવિત્રે અક્ષરત્ સોમો દેવેભ્યઃ સુતઃ ।
વિશ્વા ધામાન્ય્ આવિશન્ ॥

એષ દેવઃ શુભાયતે ઽધિ યોનાવ્ અમર્ત્યઃ ।
વૃત્રહા દેવવીતમઃ ॥

એષ વૃષા કનિક્રદદ્ દશભિર્ જામિભિર્ યતઃ ।
અભિ દ્રોણાનિ ધાવતિ ॥

એષ સૂર્યમ્ અરોચયત્ પવમાનો વિચર્ષણિઃ ।
વિશ્વા ધામાનિ વિશ્વવિત્ ॥

એષ શુષ્મ્ય્ અદાભ્યઃ સોમઃ પુનાનો અર્ષતિ ।
દેવાવીર્ અઘશંસહા ॥