ઋગ્વેદ · અધ્યાય 9.030

પ્ર ધારા અસ્ય શુષ્મિણો વૃથા પવિત્રે અક્ષરન્ ।
પુનાનો વાચમ્ ઇષ્યતિ ॥

ઇન્દુર્ હિયાનઃ સોતૃભિર્ મૃજ્યમાનઃ કનિક્રદત્ ।
ઇયર્તિ વગ્નુમ્ ઇન્દ્રિયમ્ ॥

આ નઃ શુષ્મં નૃષાહ્યં વીરવન્તમ્ પુરુસ્પૃહમ્ ।
પવસ્વ સોમ ધારયા ॥

પ્ર સોમો અતિ ધારયા પવમાનો અસિષ્યદત્ ।
અભિ દ્રોણાન્ય્ આસદમ્ ॥

અપ્સુ ત્વા મધુમત્તમં હરિં હિન્વન્ત્ય્ અદ્રિભિઃ ।
ઇન્દવ્ ઇન્દ્રાય પીતયે ॥

સુનોતા મધુમત્તમં સોમમ્ ઇન્દ્રાય વજ્રિણે ।
ચારું શર્ધાય મત્સરમ્ ॥