ઋગ્વેદ · અધ્યાય 9.015

એષ ધિયા યાત્ય્ અણ્વ્યા શૂરો રથેભિર્ આશુભિઃ ।
ગચ્છન્ન્ ઇન્દ્રસ્ય નિષ્કૃતમ્ ॥

એષ પુરૂ ધિયાયતે બૃહતે દેવતાતયે ।
યત્રામૃતાસ આસતે ॥

એષ હિતો વિ નીયતે ઽન્તઃ શુભ્રાવતા પથા ।
યદી તુઞ્જન્તિ ભૂર્ણયઃ ॥

એષ શૃઙ્ગાણિ દોધુવચ્ છિશીતે યૂથ્યો3 વૃષા ।
નૃમ્ણા દધાન ઓજસા ॥

એષ રુક્મિભિર્ ઈયતે વાજી શુભ્રેભિર્ અંશુભિઃ ।
પતિઃ સિન્ધૂનામ્ ભવન્ ॥

એષ વસૂનિ પિબ્દના પરુષા યયિવાઁ અતિ ।
અવ શાદેષુ ગચ્છતિ ॥

એતમ્ મૃજન્તિ મર્જ્યમ્ ઉપ દ્રોણેષ્વ્ આયવઃ ।
પ્રચક્રાણમ્ મહીર્ ઇષઃ ॥

એતમ્ ઉ ત્યં દશ ક્ષિપો મૃજન્તિ સપ્ત ધીતયઃ ।
સ્વાયુધમ્ મદિન્તમમ્ ॥