ઋગ્વેદ · અધ્યાય 9.016

પ્ર તે સોતાર ઓણ્યો3 રસમ્ મદાય ઘૃષ્વયે ।
સર્ગો ન તક્ત્ય્ એતશઃ ॥

ક્રત્વા દક્ષસ્ય રથ્યમ્ અપો વસાનમ્ અન્ધસા ।
ગોષામ્ અણ્વેષુ સશ્ચિમ ॥

અનપ્તમ્ અપ્સુ દુષ્ટરં સોમમ્ પવિત્ર આ સૃજ ।
પુનીહીન્દ્રાય પાતવે ॥

પ્ર પુનાનસ્ય ચેતસા સોમઃ પવિત્રે અર્ષતિ ।
ક્રત્વા સધસ્થમ્ આસદત્ ॥

પ્ર ત્વા નમોભિર્ ઇન્દવ ઇન્દ્ર સોમા અસૃક્ષત ।
મહે ભરાય કારિણઃ ॥

પુનાનો રૂપે અવ્યયે વિશ્વા અર્ષન્ન્ અભિ શ્રિયઃ ।
શૂરો ન ગોષુ તિષ્ઠતિ ॥

દિવો ન સાનુ પિપ્યુષી ધારા સુતસ્ય વેધસઃ ।
વૃથા પવિત્રે અર્ષતિ ॥

ત્વં સોમ વિપશ્ચિતં તના પુનાન આયુષુ ।
અવ્યો વારં વિ ધાવસિ ॥