ઋગ્વેદ · અધ્યાય 9.014

પરિ પ્રાસિષ્યદત્ કવિઃ સિન્ધોર્ ઊર્માવ્ અધિ શ્રિતઃ ।
કારમ્ બિભ્રત્ પુરુસ્પૃહમ્ ॥

ગિરા યદી સબન્ધવઃ પઞ્ચ વ્રાતા અપસ્યવઃ ।
પરિષ્કૃણ્વન્તિ ધર્ણસિમ્ ॥

આદ્ અસ્ય શુષ્મિણો રસે વિશ્વે દેવા અમત્સત ।
યદી ગોભિર્ વસાયતે ॥

નિરિણાનો વિ ધાવતિ જહચ્ છર્યાણિ તાન્વા ।
અત્રા સં જિઘ્નતે યુજા ॥

નપ્તીભિર્ યો વિવસ્વતઃ શુભ્રો ન મામૃજે યુવા ।
ગાઃ કૃણ્વાનો ન નિર્ણિજમ્ ॥

અતિ શ્રિતી તિરશ્ચતા ગવ્યા જિગાત્ય્ અણ્વ્યા ।
વગ્નુમ્ ઇયર્તિ યં વિદે ॥

અભિ ક્ષિપઃ સમ્ અગ્મત મર્જયન્તીર્ ઇષસ્ પતિમ્ ।
પૃષ્ઠા ગૃભ્ણત વાજિનઃ ॥

પરિ દિવ્યાનિ મર્મૃશદ્ વિશ્વાનિ સોમ પાર્થિવા ।
વસૂનિ યાહ્ય્ અસ્મયુઃ ॥