ઋગ્વેદ · અધ્યાય 9.003

એષ દેવો અમર્ત્યઃ પર્ણવીર્ ઇવ દીયતિ ।
અભિ દ્રોણાન્ય્ આસદમ્ ॥

એષ દેવો વિપા કૃતો ઽતિ હ્વરાંસિ ધાવતિ ।
પવમાનો અદાભ્યઃ ॥

એષ દેવો વિપન્યુભિઃ પવમાન ઋતાયુભિઃ ।
હરિર્ વાજાય મૃજ્યતે ॥

એષ વિશ્વાનિ વાર્યા શૂરો યન્ન્ ઇવ સત્વભિઃ ।
પવમાનઃ સિષાસતિ ॥

એષ દેવો રથર્યતિ પવમાનો દશસ્યતિ ।
આવિષ્ કૃણોતિ વગ્વનુમ્ ॥

એષ વિપ્રૈર્ અભિષ્ટુતો ઽપો દેવો વિ ગાહતે ।
દધદ્ રત્નાનિ દાશુષે ॥

એષ દિવં વિ ધાવતિ તિરો રજાંસિ ધારયા ।
પવમાનઃ કનિક્રદત્ ॥

એષ દિવં વ્ય્ આસરત્ તિરો રજાંસ્ય્ અસ્પૃતઃ ।
પવમાનઃ સ્વધ્વરઃ ॥

એષ પ્રત્નેન જન્મના દેવો દેવેભ્યઃ સુતઃ ।
હરિઃ પવિત્રે અર્ષતિ ॥

એષ ઉ સ્ય પુરુવ્રતો જજ્ઞાનો જનયન્ન્ ઇષઃ ।
ધારયા પવતે સુતઃ ॥