ઋગ્વેદ · અધ્યાય 9.004
સના ચ સોમ જેષિ ચ પવમાન મહિ શ્રવઃ ।
અથા નો વસ્યસસ્ કૃધિ ॥
સના જ્યોતિઃ સના સ્વ1ર્ વિશ્વા ચ સોમ સૌભગા ।
અથા નો વસ્યસસ્ કૃધિ ॥
સના દક્ષમ્ ઉત ક્રતુમ્ અપ સોમ મૃધો જહિ ।
અથા નો વસ્યસસ્ કૃધિ ॥
પવીતારઃ પુનીતન સોમમ્ ઇન્દ્રાય પાતવે ।
અથા નો વસ્યસસ્ કૃધિ ॥
ત્વં સૂર્યે ન આ ભજ તવ ક્રત્વા તવોતિભિઃ ।
અથા નો વસ્યસસ્ કૃધિ ॥
તવ ક્રત્વા તવોતિભિર્ જ્યોક્ પશ્યેમ સૂર્યમ્ ।
અથા નો વસ્યસસ્ કૃધિ ॥
અભ્ય્ અર્ષ સ્વાયુધ સોમ દ્વિબર્હસં રયિમ્ ।
અથા નો વસ્યસસ્ કૃધિ ॥
અભ્ય્ અ1ર્ષાનપચ્યુતો રયિં સમત્સુ સાસહિઃ ।
અથા નો વસ્યસસ્ કૃધિ ॥
ત્વાં યજ્ઞૈર્ અવીવૃધન્ પવમાન વિધર્મણિ ।
અથા નો વસ્યસસ્ કૃધિ ॥
રયિં નશ્ ચિત્રમ્ અશ્વિનમ્ ઇન્દો વિશ્વાયુમ્ આ ભર ।
અથા નો વસ્યસસ્ કૃધિ ॥
મૂળ પાઠ: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0