ઋગ્વેદ · અધ્યાય 8.093

ઉદ્ ઘેદ્ અભિ શ્રુતામઘં વૃષભં નર્યાપસમ્ ।
અસ્તારમ્ એષિ સૂર્ય ॥

નવ યો નવતિમ્ પુરો બિભેદ બાહ્વોજસા ।
અહિં ચ વૃત્રહાવધીત્ ॥

સ ન ઇન્દ્રઃ શિવઃ સખાશ્વાવદ્ ગોમદ્ યવમત્ ।
ઉરુધારેવ દોહતે ॥

યદ્ અદ્ય કચ્ ચ વૃત્રહન્ન્ ઉદગા અભિ સૂર્ય ।
સર્વં તદ્ ઇન્દ્ર તે વશે ॥

યદ્ વા પ્રવૃદ્ધ સત્પતે ન મરા ઇતિ મન્યસે ।
ઉતો તત્ સત્યમ્ ઇત્ તવ ॥

યે સોમાસઃ પરાવતિ યે અર્વાવતિ સુન્વિરે ।
સર્વાઁસ્ તાઁ ઇન્દ્ર ગચ્છસિ ॥

તમ્ ઇન્દ્રં વાજયામસિ મહે વૃત્રાય હન્તવે ।
સ વૃષા વૃષભો ભુવત્ ॥

ઇન્દ્રઃ સ દામને કૃત ઓજિષ્ઠઃ સ મદે હિતઃ ।
દ્યુમ્ની શ્લોકી સ સોમ્યઃ ॥

ગિરા વજ્રો ન સમ્ભૃતઃ સબલો અનપચ્યુતઃ ।
વવક્ષ ઋષ્વો અસ્તૃતઃ ॥

દુર્ગે ચિન્ નઃ સુગં કૃધિ ગૃણાન ઇન્દ્ર ગિર્વણઃ ।
ત્વં ચ મઘવન્ વશઃ ॥

યસ્ય તે નૂ ચિદ્ આદિશં ન મિનન્તિ સ્વરાજ્યમ્ ।
ન દેવો નાધ્રિગુર્ જનઃ ॥

અધા તે અપ્રતિષ્કુતં દેવી શુષ્મં સપર્યતઃ ।
ઉભે સુશિપ્ર રોદસી ॥

ત્વમ્ એતદ્ અધારયઃ કૃષ્ણાસુ રોહિણીષુ ચ ।
પરુષ્ણીષુ રુશત્ પયઃ ॥

વિ યદ્ અહેર્ અધ ત્વિષો વિશ્વે દેવાસો અક્રમુઃ ।
વિદન્ મૃગસ્ય તાઁ અમઃ ॥

આદ્ ઉ મે નિવરો ભુવદ્ વૃત્રહાદિષ્ટ પૌંસ્યમ્ ।
અજાતશત્રુર્ અસ્તૃતઃ ॥

શ્રુતં વો વૃત્રહન્તમમ્ પ્ર શર્ધં ચર્ષણીનામ્ ।
આ શુષે રાધસે મહે ॥

અયા ધિયા ચ ગવ્યયા પુરુણામન્ પુરુષ્ટુત ।
યત્ સોમે-સોમ આભવઃ ॥

બોધિન્મના ઇદ્ અસ્તુ નો વૃત્રહા ભૂર્યાસુતિઃ ।
શૃણોતુ શક્ર આશિષમ્ ॥

કયા ત્વં ન ઊત્યાભિ પ્ર મન્દસે વૃષન્ ।
કયા સ્તોતૃભ્ય આ ભર ॥

કસ્ય વૃષા સુતે સચા નિયુત્વાન્ વૃષભો રણત્ ।
વૃત્રહા સોમપીતયે ॥

અભી ષુ ણસ્ ત્વં રયિમ્ મન્દસાનઃ સહસ્રિણમ્ ।
પ્રયન્તા બોધિ દાશુષે ॥

પત્નીવન્તઃ સુતા ઇમ ઉશન્તો યન્તિ વીતયે ।
અપાં જગ્મિર્ નિચુમ્પુણઃ ॥

ઇષ્ટા હોત્રા અસૃક્ષતેન્દ્રં વૃધાસો અધ્વરે ।
અચ્છાવભૃથમ્ ઓજસા ॥

ઇહ ત્યા સધમાદ્યા હરી હિરણ્યકેશ્યા ।
વોળ્હામ્ અભિ પ્રયો હિતમ્ ॥

તુભ્યં સોમાઃ સુતા ઇમે સ્તીર્ણમ્ બર્હિર્ વિભાવસો ।
સ્તોતૃભ્ય ઇન્દ્રમ્ આ વહ ॥

આ તે દક્ષં વિ રોચના દધદ્ રત્ના વિ દાશુષે ।
સ્તોતૃભ્ય ઇન્દ્રમ્ અર્ચત ॥

આ તે દધામીન્દ્રિયમ્ ઉક્થા વિશ્વા શતક્રતો ।
સ્તોતૃભ્ય ઇન્દ્ર મૃળય ॥

ભદ્રમ્-ભદ્રં ન આ ભરેષમ્ ઊર્જં શતક્રતો ।
યદ્ ઇન્દ્ર મૃળયાસિ નઃ ॥

સ નો વિશ્વાન્ય્ આ ભર સુવિતાનિ શતક્રતો ।
યદ્ ઇન્દ્ર મૃળયાસિ નઃ ॥

ત્વામ્ ઇદ્ વૃત્રહન્તમ સુતાવન્તો હવામહે ।
યદ્ ઇન્દ્ર મૃળયાસિ નઃ ॥

ઉપ નો હરિભિઃ સુતં યાહિ મદાનામ્ પતે ।
ઉપ નો હરિભિઃ સુતમ્ ॥

દ્વિતા યો વૃત્રહન્તમો વિદ ઇન્દ્રઃ શતક્રતુઃ ।
ઉપ નો હરિભિઃ સુતમ્ ॥

ત્વં હિ વૃત્રહન્ન્ એષામ્ પાતા સોમાનામ્ અસિ ।
ઉપ નો હરિભિઃ સુતમ્ ॥

ઇન્દ્ર ઇષે દદાતુ ન ઋભુક્ષણમ્ ઋભું રયિમ્ ।
વાજી દદાતુ વાજિનમ્ ॥