ઋગ્વેદ · અધ્યાય 8.092

પાન્તમ્ આ વો અન્ધસ ઇન્દ્રમ્ અભિ પ્ર ગાયત ।
વિશ્વાસાહં શતક્રતુમ્ મંહિષ્ઠં ચર્ષણીનામ્ ॥

પુરુહૂતમ્ પુરુષ્ટુતં ગાથાન્ય1ં સનશ્રુતમ્ ।
ઇન્દ્ર ઇતિ બ્રવીતન ॥

ઇન્દ્ર ઇન્ નો મહાનાં દાતા વાજાનાં નૃતુઃ ।
મહાઁ અભિજ્ઞ્વ્ આ યમત્ ॥

અપાદ્ ઉ શિપ્ર્ય્ અન્ધસઃ સુદક્ષસ્ય પ્રહોષિણઃ ।
ઇન્દોર્ ઇન્દ્રો યવાશિરઃ ॥

તમ્ વ્ અભિ પ્રાર્ચતેન્દ્રં સોમસ્ય પીતયે ।
તદ્ ઇદ્ ધ્ય્ અસ્ય વર્ધનમ્ ॥

અસ્ય પીત્વા મદાનાં દેવો દેવસ્યૌજસા ।
વિશ્વાભિ ભુવના ભુવત્ ॥

ત્યમ્ ઉ વઃ સત્રાસાહં વિશ્વાસુ ગીર્ષ્વ્ આયતમ્ ।
આ ચ્યાવયસ્ય્ ઊતયે ॥

યુધ્મં સન્તમ્ અનર્વાણં સોમપામ્ અનપચ્યુતમ્ ।
નરમ્ અવાર્યક્રતુમ્ ॥

શિક્ષા ણ ઇન્દ્ર રાય આ પુરુ વિદ્વાઁ ઋચીષમ ।
અવા નઃ પાર્યે ધને ॥

અતશ્ ચિદ્ ઇન્દ્ર ણ ઉપા યાહિ શતવાજયા ।
ઇષા સહસ્રવાજયા ॥

અયામ ધીવતો ધિયો ઽર્વદ્ભિઃ શક્ર ગોદરે ।
જયેમ પૃત્સુ વજ્રિવઃ ॥

વયમ્ ઉ ત્વા શતક્રતો ગાવો ન યવસેષ્વ્ આ ।
ઉક્થેષુ રણયામસિ ॥

વિશ્વા હિ મર્ત્યત્વનાનુકામા શતક્રતો ।
અગન્મ વજ્રિન્ન્ આશસઃ ॥

ત્વે સુ પુત્ર શવસો ઽવૃત્રન્ કામકાતયઃ ।
ન ત્વામ્ ઇન્દ્રાતિ રિચ્યતે ॥

સ નો વૃષન્ સનિષ્ઠયા સં ઘોરયા દ્રવિત્ન્વા ।
ધિયાવિડ્ઢિ પુરંધ્યા ॥

યસ્ તે નૂનં શતક્રતવ્ ઇન્દ્ર દ્યુમ્નિતમો મદઃ ।
તેન નૂનમ્ મદે મદેઃ ॥

યસ્ તે ચિત્રશ્રવસ્તમો ય ઇન્દ્ર વૃત્રહન્તમઃ ।
ય ઓજોદાતમો મદઃ ॥

વિદ્મા હિ યસ્ તે અદ્રિવસ્ ત્વાદત્તઃ સત્ય સોમપાઃ ।
વિશ્વાસુ દસ્મ કૃષ્ટિષુ ॥

ઇન્દ્રાય મદ્વને સુતમ્ પરિ ષ્ટોભન્તુ નો ગિરઃ ।
અર્કમ્ અર્ચન્તુ કારવઃ ॥

યસ્મિન્ વિશ્વા અધિ શ્રિયો રણન્તિ સપ્ત સંસદઃ ।
ઇન્દ્રં સુતે હવામહે ॥

ત્રિકદ્રુકેષુ ચેતનં દેવાસો યજ્ઞમ્ અત્નત ।
તમ્ ઇદ્ વર્ધન્તુ નો ગિરઃ ॥

આ ત્વા વિશન્ત્વ્ ઇન્દવઃ સમુદ્રમ્ ઇવ સિન્ધવઃ ।
ન ત્વામ્ ઇન્દ્રાતિ રિચ્યતે ॥

વિવ્યક્થ મહિના વૃષન્ ભક્ષં સોમસ્ય જાગૃવે ।
ય ઇન્દ્ર જઠરેષુ તે ॥

અરં ત ઇન્દ્ર કુક્ષયે સોમો ભવતુ વૃત્રહન્ ।
અરં ધામભ્ય ઇન્દવઃ ॥

અરમ્ અશ્વાય ગાયતિ શ્રુતકક્ષો અરં ગવે ।
અરમ્ ઇન્દ્રસ્ય ધામ્ને ॥

અરં હિ ષ્મ સુતેષુ ણઃ સોમેષ્વ્ ઇન્દ્ર ભૂષસિ ।
અરં તે શક્ર દાવને ॥

પરાકાત્તાચ્ ચિદ્ અદ્રિવસ્ ત્વાં નક્ષન્ત નો ગિરઃ ।
અરં ગમામ તે વયમ્ ॥

એવા હ્ય્ અસિ વીરયુર્ એવા શૂર ઉત સ્થિરઃ ।
એવા તે રાધ્યમ્ મનઃ ॥

એવા રાતિસ્ તુવીમઘ વિશ્વેભિર્ ધાયિ ધાતૃભિઃ ।
અધા ચિદ્ ઇન્દ્ર મે સચા ॥

મો ષુ બ્રહ્મેવ તન્દ્રયુર્ ભુવો વાજાનામ્ પતે ।
મત્સ્વા સુતસ્ય ગોમતઃ ॥

મા ન ઇન્દ્રાભ્ય્ આ3દિશઃ સૂરો અક્તુષ્વ્ આ યમન્ ।
ત્વા યુજા વનેમ તત્ ॥

ત્વયેદ્ ઇન્દ્ર યુજા વયમ્ પ્રતિ બ્રુવીમહિ સ્પૃધઃ ।
ત્વમ્ અસ્માકં તવ સ્મસિ ॥

ત્વામ્ ઇદ્ ધિ ત્વાયવો ઽનુનોનુવતશ્ ચરાન્ ।
સખાય ઇન્દ્ર કારવઃ ॥