ઋગ્વેદ · અધ્યાય 8.085
આ મે હવં નાસત્યાશ્વિના ગચ્છતં યુવમ્ ।
મધ્વઃ સોમસ્ય પીતયે ॥
ઇમમ્ મે સ્તોમમ્ અશ્વિનેમમ્ મે શૃણુતં હવમ્ ।
મધ્વઃ સોમસ્ય પીતયે ॥
અયં વાં કૃષ્ણો અશ્વિના હવતે વાજિનીવસૂ ।
મધ્વઃ સોમસ્ય પીતયે ॥
શૃણુતં જરિતુર્ હવં કૃષ્ણસ્ય સ્તુવતો નરા ।
મધ્વઃ સોમસ્ય પીતયે ॥
છર્દિર્ યન્તમ્ અદાભ્યં વિપ્રાય સ્તુવતે નરા ।
મધ્વઃ સોમસ્ય પીતયે ॥
ગચ્છતં દાશુષો ગૃહમ્ ઇત્થા સ્તુવતો અશ્વિના ।
મધ્વઃ સોમસ્ય પીતયે ॥
યુઞ્જાથાં રાસભં રથે વીડ્વઙ્ગે વૃષણ્વસૂ ।
મધ્વઃ સોમસ્ય પીતયે ॥
ત્રિવન્ધુરેણ ત્રિવૃતા રથેના યાતમ્ અશ્વિના ।
મધ્વઃ સોમસ્ય પીતયે ॥
નૂ મે ગિરો નાસત્યાશ્વિના પ્રાવતં યુવમ્ ।
મધ્વઃ સોમસ્ય પીતયે ॥
મૂળ પાઠ: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0