ઋગ્વેદ · અધ્યાય 8.086

ઉભા હિ દસ્રા ભિષજા મયોભુવોભા દક્ષસ્ય વચસો બભૂવથુઃ ।
તા વાં વિશ્વકો હવતે તનૂકૃથે મા નો વિ યૌષ્ટં સખ્યા મુમોચતમ્ ॥

કથા નૂનં વાં વિમના ઉપ સ્તવદ્ યુવં ધિયં દદથુર્ વસ્યïષ્ટયે ।
તા વાં વિશ્વકો હવતે તનૂકૃથે મા નો વિ યૌષ્ટં સખ્યા મુમોચતમ્ ॥

યુવં હિ ષ્મા પુરુભુજેમમ્ એધતું વિષ્ણાપ્વે દદથુર્ વસ્યïષ્ટયે ।
તા વાં વિશ્વકો હવતે તનૂકૃથે મા નો વિ યૌષ્ટં સખ્યા મુમોચતમ્ ॥

ઉત ત્યં વીરં ધનસામ્ ઋજીષિણં દૂરે ચિત્ સન્તમ્ અવસે હવામહે ।
યસ્ય સ્વાદિષ્ઠા સુમતિઃ પિતુર્ યથા મા નો વિ યૌષ્ટં સખ્યા મુમોચતમ્ ॥

ઋતેન દેવઃ સવિતા શમાયત ઋતસ્ય શૃઙ્ગમ્ ઉર્વિયા વિ પપ્રથે ।
ઋતં સાસાહ મહિ ચિત્ પૃતન્યતો મા નો વિ યૌષ્ટં સખ્યા મુમોચતમ્ ॥