ઋગ્વેદ · અધ્યાય 8.084

પ્રેષ્ઠં વો અતિથિં સ્તુષે મિત્રમ્ ઇવ પ્રિયમ્ ।
અગ્નિં રથં ન વેદ્યમ્ ॥

કવિમ્ ઇવ પ્રચેતસં યં દેવાસો અધ દ્વિતા ।
નિ મર્ત્યેષ્વ્ આદધુઃ ॥

ત્વં યવિષ્ઠ દાશુષો નૄઁઃ પાહિ શૃણુધી ગિરઃ ।
રક્ષા તોકમ્ ઉત ત્મના ॥

કયા તે અગ્ને અઙ્ગિર ઊર્જો નપાદ્ ઉપસ્તુતિમ્ ।
વરાય દેવ મન્યવે ॥

દાશેમ કસ્ય મનસા યજ્ઞસ્ય સહસો યહો ।
કદ્ ઉ વોચ ઇદં નમઃ ॥

અધા ત્વં હિ નસ્ કરો વિશ્વા અસ્મભ્યં સુક્ષિતીઃ ।
વાજદ્રવિણસો ગિરઃ ॥

કસ્ય નૂનમ્ પરીણસો ધિયો જિન્વસિ દમ્પતે ।
ગોષાતા યસ્ય તે ગિરઃ ॥

તમ્ મર્જયન્ત સુક્રતુમ્ પુરોયાવાનમ્ આજિષુ ।
સ્વેષુ ક્ષયેષુ વાજિનમ્ ॥

ક્ષેતિ ક્ષેમેભિઃ સાધુભિર્ નકિર્ યં ઘ્નન્તિ હન્તિ યઃ ।
અગ્ને સુવીર એધતે ॥