ઋગ્વેદ · અધ્યાય 8.079

અયં કૃત્નુર્ અગૃભીતો વિશ્વજિદ્ ઉદ્ભિદ્ ઇત્ સોમઃ ।
ઋષિર્ વિપ્રઃ કાવ્યેન ॥

અભ્ય્ ઊર્ણોતિ યન્ નગ્નમ્ ભિષક્તિ વિશ્વં યત્ તુરમ્ ।
પ્રેમ્ અન્ધઃ ખ્યન્ નિઃ શ્રોણો ભૂત્ ॥

ત્વં સોમ તનૂકૃદ્ભ્યો દ્વેષોભ્યો ઽન્યકૃતેભ્યઃ ।
ઉરુ યન્તાસિ વરૂથમ્ ॥

ત્વં ચિત્તી તવ દક્ષૈર્ દિવ આ પૃથિવ્યા ઋજીષિન્ ।
યાવીર્ અઘસ્ય ચિદ્ દ્વેષઃ ॥

અર્થિનો યન્તિ ચેદ્ અર્થં ગચ્છાન્ ઇદ્ દદુષો રાતિમ્ ।
વવૃજ્યુસ્ તૃષ્યતઃ કામમ્ ॥

વિદદ્ યત્ પૂર્વ્યં નષ્ટમ્ ઉદ્ ઈમ્ ઋતાયુમ્ ઈરયત્ ।
પ્રેમ્ આયુસ્ તારીદ્ અતીર્ણમ્ ॥

સુશેવો નો મૃળયાકુર્ અદૃપ્તક્રતુર્ અવાતઃ ।
ભવા નઃ સોમ શં હૃદે ॥

મા નઃ સોમ સં વીવિજો મા વિ બીભિષથા રાજન્ ।
મા નો હાર્દિ ત્વિષા વધીઃ ॥

અવ યત્ સ્વે સધસ્થે દેવાનાં દુર્મતીર્ ઈક્ષે ।
રાજન્ન્ અપ દ્વિષઃ સેધ મીઢ્વો અપ સ્રિધઃ સેધ ॥