ઋગ્વેદ · અધ્યાય 8.077

જજ્ઞાનો નુ શતક્રતુર્ વિ પૃચ્છદ્ ઇતિ માતરમ્ ।
ક ઉગ્રાઃ કે હ શૃણ્વિરે ॥

આદ્ ઈં શવસ્ય્ અબ્રવીદ્ ઔર્ણવાભમ્ અહીશુવમ્ ।
તે પુત્ર સન્તુ નિષ્ટુરઃ ॥

સમ્ ઇત્ તાન્ વૃત્રહાખિદત્ ખે અરાઁ ઇવ ખેદયા ।
પ્રવૃદ્ધો દસ્યુહાભવત્ ॥

એકયા પ્રતિધાપિબત્ સાકં સરાંસિ ત્રિંશતમ્ ।
ઇન્દ્રઃ સોમસ્ય કાણુકા ॥

અભિ ગન્ધર્વમ્ અતૃણદ્ અબુધ્નેષુ રજઃસ્વ્ આ ।
ઇન્દ્રો બ્રહ્મભ્ય ઇદ્ વૃધે ॥

નિર્ આવિધ્યદ્ ગિરિભ્ય આ ધારયત્ પક્વમ્ ઓદનમ્ ।
ઇન્દ્રો બુન્દં સ્વાતતમ્ ॥

શતબ્રધ્ન ઇષુસ્ તવ સહસ્રપર્ણ એક ઇત્ ।
યમ્ ઇન્દ્ર ચકૃષે યુજમ્ ॥

તેન સ્તોતૃભ્ય આ ભર નૃભ્યો નારિભ્યો અત્તવે ।
સદ્યો જાત ઋભુષ્ઠિર ॥

એતા ચ્યૌત્નાનિ તે કૃતા વર્ષિષ્ઠાનિ પરીણસા ।
હૃદા વીડ્વ્ અધારયઃ ॥

વિશ્વેત્ તા વિષ્ણુર્ આભરદ્ ઉરુક્રમસ્ ત્વેષિતઃ ।
શતમ્ મહિષાન્ ક્ષીરપાકમ્ ઓદનં વરાહમ્ ઇન્દ્ર એમુષમ્ ॥

તુવિક્ષં તે સુકૃતં સૂમયં ધનુઃ સાધુર્ બુન્દો હિરણ્યયઃ ।
ઉભા તે બાહૂ રણ્યા સુસંસ્કૃત ઋદૂપે ચિદ્ ઋદૂવૃધા ॥