ઋગ્વેદ · અધ્યાય 8.073
ઉદ્ ઈરાથામ્ ઋતાયતે યુઞ્જાથામ્ અશ્વિના રથમ્ ।
અન્તિ ષદ્ ભૂતુ વામ્ અવઃ ॥
નિમિષશ્ ચિજ્ જવીયસા રથેના યાતમ્ અશ્વિના ।
અન્તિ ષદ્ ભૂતુ વામ્ અવઃ ॥
ઉપ સ્તૃણીતમ્ અત્રયે હિમેન ઘર્મમ્ અશ્વિના ।
અન્તિ ષદ્ ભૂતુ વામ્ અવઃ ॥
કુહ સ્થઃ કુહ જગ્મથુઃ કુહ શ્યેનેવ પેતથુઃ ।
અન્તિ ષદ્ ભૂતુ વામ્ અવઃ ॥
યદ્ અદ્ય કર્હિ કર્હિ ચિચ્ છુશ્રૂયાતમ્ ઇમં હવમ્ ।
અન્તિ ષદ્ ભૂતુ વામ્ અવઃ ॥
અશ્વિના યામહૂતમા નેદિષ્ઠં યામ્ય્ આપ્યમ્ ।
અન્તિ ષદ્ ભૂતુ વામ્ અવઃ ॥
અવન્તમ્ અત્રયે ગૃહં કૃણુતં યુવમ્ અશ્વિના ।
અન્તિ ષદ્ ભૂતુ વામ્ અવઃ ॥
વરેથે અગ્નિમ્ આતપો વદતે વલ્ગ્વ્ અત્રયે ।
અન્તિ ષદ્ ભૂતુ વામ્ અવઃ ॥
પ્ર સપ્તવધ્રિર્ આશસા ધારામ્ અગ્નેર્ અશાયત ।
અન્તિ ષદ્ ભૂતુ વામ્ અવઃ ॥
ઇહા ગતં વૃષણ્વસૂ શૃણુતમ્ મ ઇમં હવમ્ ।
અન્તિ ષદ્ ભૂતુ વામ્ અવઃ ॥
કિમ્ ઇદં વામ્ પુરાણવજ્ જરતોર્ ઇવ શસ્યતે ।
અન્તિ ષદ્ ભૂતુ વામ્ અવઃ ॥
સમાનં વાં સજાત્યં સમાનો બન્ધુર્ અશ્વિના ।
અન્તિ ષદ્ ભૂતુ વામ્ અવઃ ॥
યો વાં રજાંસ્ય્ અશ્વિના રથો વિયાતિ રોદસી ।
અન્તિ ષદ્ ભૂતુ વામ્ અવઃ ॥
આ નો ગવ્યેભિર્ અશ્વ્યૈઃ સહસ્રૈર્ ઉપ ગચ્છતમ્ ।
અન્તિ ષદ્ ભૂતુ વામ્ અવઃ ॥
મા નો ગવ્યેભિર્ અશ્વ્યૈઃ સહસ્રેભિર્ અતિ ખ્યતમ્ ।
અન્તિ ષદ્ ભૂતુ વામ્ અવઃ ॥
અરુણપ્સુર્ ઉષા અભૂદ્ અકર્ જ્યોતિર્ ઋતાવરી ।
અન્તિ ષદ્ ભૂતુ વામ્ અવઃ ॥
અશ્વિના સુ વિચાકશદ્ વૃક્ષમ્ પરશુમાઁ ઇવ ।
અન્તિ ષદ્ ભૂતુ વામ્ અવઃ ॥
પુરં ન ધૃષ્ણવ્ આ રુજ કૃષ્ણયા બાધિતો વિશા ।
અન્તિ ષદ્ ભૂતુ વામ્ અવઃ ॥
મૂળ પાઠ: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0