ઋગ્વેદ · અધ્યાય 8.072

હવિષ્ કૃણુધ્વમ્ આ ગમદ્ અધ્વર્યુર્ વનતે પુનઃ ।
વિદ્વાઁ અસ્ય પ્રશાસનમ્ ॥

નિ તિગ્મમ્ અભ્ય્ અ1ંશું સીદદ્ ધોતા મનાવ્ અધિ ।
જુષાણો અસ્ય સખ્યમ્ ॥

અન્તર્ ઇચ્છન્તિ તં જને રુદ્રમ્ પરો મનીષયા ।
ગૃભ્ણન્તિ જિહ્વયા સસમ્ ॥

જામ્ય્ અતીતપે ધનુર્ વયોધા અરુહદ્ વનમ્ ।
દૃષદં જિહ્વયાવધીત્ ॥

ચરન્ વત્સો રુશન્ન્ ઇહ નિદાતારં ન વિન્દતે ।
વેતિ સ્તોતવ અમ્બ્યમ્ ॥

ઉતો ન્વ્ અસ્ય યન્ મહદ્ અશ્વાવદ્ યોજનમ્ બૃહદ્ ।
દામા રથસ્ય દદૃશે ॥

દુહન્તિ સપ્તૈકામ્ ઉપ દ્વા પઞ્ચ સૃજતઃ ।
તીર્થે સિન્ધોર્ અધિ સ્વરે ॥

આ દશભિર્ વિવસ્વત ઇન્દ્રઃ કોશમ્ અચુચ્યવીત્ ।
ખેદયા ત્રિવૃતા દિવઃ ॥

પરિ ત્રિધાતુર્ અધ્વરં જૂર્ણિર્ એતિ નવીયસી ।
મધ્વા હોતારો અઞ્જતે ॥

સિઞ્ચન્તિ નમસાવતમ્ ઉચ્ચાચક્રમ્ પરિજ્માનમ્ ।
નીચીનબારમ્ અક્ષિતમ્ ॥

અભ્યારમ્ ઇદ્ અદ્રયો નિષિક્તમ્ પુષ્કરે મધુ ।
અવતસ્ય વિસર્જને ॥

ગાવ ઉપાવતાવતમ્ મહી યજ્ઞસ્ય રપ્સુદા ।
ઉભા કર્ણા હિરણ્યયા ॥

આ સુતે સિઞ્ચત શ્રિયં રોદસ્યોર્ અભિશ્રિયમ્ ।
રસા દધીત વૃષભમ્ ॥

તે જાનત સ્વમ્ ઓક્ય1ં સં વત્સાસો ન માતૃભિઃ ।
મિથો નસન્ત જામિભિઃ ॥

ઉપ સ્રક્વેષુ બપ્સતઃ કૃણ્વતે ધરુણં દિવિ ।
ઇન્દ્રે અગ્ના નમઃ સ્વઃ ॥

અધુક્ષત્ પિપ્યુષીમ્ ઇષમ્ ઊર્જં સપ્તપદીમ્ અરિઃ ।
સૂર્યસ્ય સપ્ત રશ્મિભિઃ ॥

સોમસ્ય મિત્રાવરુણોદિતા સૂર આ દદે ।
તદ્ આતુરસ્ય ભેષજમ્ ॥

ઉતો ન્વ્ અસ્ય યત્ પદં હર્યતસ્ય નિધાન્યમ્ ।
પરિ દ્યાં જિહ્વયાતનત્ ॥