ઋગ્વેદ · અધ્યાય 8.041

અસ્મા ઊ ષુ પ્રભૂતયે વરુણાય મરુદ્ભ્યો ઽર્ચા વિદુષ્ટરેભ્યઃ ।
યો ધીતા માનુષાણામ્ પશ્વો ગા ઇવ રક્ષતિ નભન્તામ્ અન્યકે સમે ॥

તમ્ ઊ ષુ સમના ગિરા પિતૄણાં ચ મન્મભિઃ ।
નાભાકસ્ય પ્રશસ્તિભિર્ યઃ સિન્ધૂનામ્ ઉપોદયે સપ્તસ્વસા સ મધ્યમો નભન્તામ્ અન્યકે સમે ॥

સ ક્ષપઃ પરિ ષસ્વજે ન્ય્ ઉ1સ્રો માયયા દધે સ વિશ્વમ્ પરિ દર્શતઃ ।
તસ્ય વેનીર્ અનુ વ્રતમ્ ઉષસ્ તિસ્રો અવર્ધયન્ નભન્તામ્ અન્યકે સમે ॥

યઃ કકુભો નિધારયઃ પૃથિવ્યામ્ અધિ દર્શતઃ ।
સ માતા પૂર્વ્યમ્ પદં તદ્ વરુણસ્ય સપ્ત્યં સ હિ ગોપા ઇવેર્યો નભન્તામ્ અન્યકે સમે ॥

યો ધર્તા ભુવનાનાં ય ઉસ્રાણામ્ અપીચ્યા3 વેદ નામાનિ ગુહ્યા ।
સ કવિઃ કાવ્યા પુરુ રૂપં દ્યૌર્ ઇવ પુષ્યતિ નભન્તામ્ અન્યકે સમે ॥

યસ્મિન્ વિશ્વાનિ કાવ્યા ચક્રે નાભિર્ ઇવ શ્રિતા ।
ત્રિતં જૂતી સપર્યત વ્રજે ગાવો ન સંયુજે યુજે અશ્વાઁ અયુક્ષત નભન્તામ્ અન્યકે સમે ॥

ય આસ્વ્ અત્ક આશયે વિશ્વા જાતાન્ય્ એષામ્ ।
પરિ ધામાનિ મર્મૃશદ્ વરુણસ્ય પુરો ગયે વિશ્વે દેવા અનુ વ્રતં નભન્તામ્ અન્યકે સમે ॥

સ સમુદ્રો અપીચ્યસ્ તુરો દ્યામ્ ઇવ રોહતિ નિ યદ્ આસુ યજુર્ દધે ।
સ માયા અર્ચિના પદાસ્તૃણાન્ નાકમ્ આરુહન્ નભન્તામ્ અન્યકે સમે ॥

યસ્ય શ્વેતા વિચક્ષણા તિસ્રો ભૂમીર્ અધિક્ષિતઃ ।
ત્રિર્ ઉત્તરાણિ પપ્રતુર્ વરુણસ્ય ધ્રુવં સદઃ સ સપ્તાનામ્ ઇરજ્યતિ નભન્તામ્ અન્યકે સમે ॥

યઃ શ્વેતાઁ અધિનિર્ણિજશ્ ચક્રે કૃષ્ણાઁ અનુ વ્રતા ।
સ ધામ પૂર્વ્યમ્ મમે યઃ સ્કમ્ભેન વિ રોદસી અજો ન દ્યામ્ અધારયન્ નભન્તામ્ અન્યકે સમે ॥