ઋગ્વેદ · અધ્યાય 8.040

ઇન્દ્રાગ્ની યુવં સુ નઃ સહન્તા દાસથો રયિમ્ ।
યેન દૃળ્હા સમત્સ્વ્ આ વીળુ ચિત્ સાહિષીમહ્ય્ અગ્નિર્ વનેવ વાત ઇન્ નભન્તામ્ અન્યકે સમે ॥

નહિ વાં વવ્રયામહે ઽથેન્દ્રમ્ ઇદ્ યજામહે શવિષ્ઠં નૃણાં નરમ્ ।
સ નઃ કદા ચિદ્ અર્વતા ગમદ્ આ વાજસાતયે ગમદ્ આ મેધસાતયે નભન્તામ્ અન્યકે સમે ॥

તા હિ મધ્યમ્ ભરાણામ્ ઇન્દ્રાગ્ની અધિક્ષિતઃ ।
તા ઉ કવિત્વના કવી પૃચ્છ્યમાના સખીયતે સં ધીતમ્ અશ્નુતં નરા નભન્તામ્ અન્યકે સમે ॥

અભ્ય્ અર્ચ નભાકવદ્ ઇન્દ્રાગ્ની યજસા ગિરા ।
યયોર્ વિશ્વમ્ ઇદં જગદ્ ઇયં દ્યૌઃ પૃથિવી મહ્ય્ ઉ1પસ્થે બિભૃતો વસુ નભન્તામ્ અન્યકે સમે ॥

પ્ર બ્રહ્માણિ નભાકવદ્ ઇન્દ્રાગ્નિભ્યામ્ ઇરજ્યત ।
યા સપ્તબુધ્નમ્ અર્ણવં જિહ્મબારમ્ અપોર્ણુત ઇન્દ્ર ઈશાન ઓજસા નભન્તામ્ અન્યકે સમે ॥

અપિ વૃશ્ચ પુરાણવદ્ વ્રતતેર્ ઇવ ગુષ્પિતમ્ ઓજો દાસસ્ય દમ્ભય ।
વયં તદ્ અસ્ય સમ્ભૃતં વસ્વ્ ઇન્દ્રેણ વિ ભજેમહિ નભન્તામ્ અન્યકે સમે ॥

યદ્ ઇન્દ્રાગ્ની જના ઇમે વિહ્વયન્તે તના ગિરા ।
અસ્માકેભિર્ નૃભિર્ વયં સાસહ્યામ પૃતન્યતો વનુયામ વનુષ્યતો નભન્તામ્ અન્યકે સમે ॥

યા નુ શ્વેતાવ્ અવો દિવ ઉચ્ચરાત ઉપ દ્યુભિઃ ।
ઇન્દ્રાગ્ન્યોર્ અનુ વ્રતમ્ ઉહાના યન્તિ સિન્ધવો યાન્ સીમ્ બન્ધાદ્ અમુઞ્ચતાં નભન્તામ્ અન્યકે સમે ॥

પૂર્વીષ્ ટ ઇન્દ્રોપમાતયઃ પૂર્વીર્ ઉત પ્રશસ્તયઃ સૂનો હિન્વસ્ય હરિવઃ ।
વસ્વો વીરસ્યાપૃચો યા નુ સાધન્ત નો ધિયો નભન્તામ્ અન્યકે સમે ॥

તં શિશીતા સુવૃક્તિભિસ્ ત્વેષં સત્વાનમ્ ઋગ્મિયમ્ ।
ઉતો નુ ચિદ્ ય ઓજસા શુષ્ણસ્યાણ્ડાનિ ભેદતિ જેષત્ સ્વર્વતીર્ અપો નભન્તામ્ અન્યકે સમે ॥

તં શિશીતા સ્વધ્વરં સત્યં સત્વાનમ્ ઋત્વિયમ્ ।
ઉતો નુ ચિદ્ ય ઓહત આણ્ડા શુષ્ણસ્ય ભેદત્ય્ અજૈઃ સ્વર્વતીર્ અપો નભન્તામ્ અન્યકે સમે ॥

એવેન્દ્રાગ્નિભ્યામ્ પિતૃવન્ નવીયો મન્ધાતૃવદ્ અઙ્ગિરસ્વદ્ અવાચિ ।
ત્રિધાતુના શર્મણા પાતમ્ અસ્માન્ વયં સ્યામ પતયો રયીણામ્ ॥