Rig Veda · Chapter 8.041

asmā ū ṣu prabhūtaye varuṇāya marudbhyo 'rcā viduṣṭarebhyaḥ |
yo dhītā mānuṣāṇām paśvo gā iva rakṣati nabhantām anyake same ||

tam ū ṣu samanā girā pitṝṇāṁ ca manmabhiḥ |
nābhākasya praśastibhir yaḥ sindhūnām upodaye saptasvasā sa madhyamo nabhantām anyake same ||

sa kṣapaḥ pari ṣasvaje ny u1sro māyayā dadhe sa viśvam pari darśataḥ |
tasya venīr anu vratam uṣas tisro avardhayan nabhantām anyake same ||

yaḥ kakubho nidhārayaḥ pṛthivyām adhi darśataḥ |
sa mātā pūrvyam padaṁ tad varuṇasya saptyaṁ sa hi gopā iveryo nabhantām anyake same ||

yo dhartā bhuvanānāṁ ya usrāṇām apīcyā3 veda nāmāni guhyā |
sa kaviḥ kāvyā puru rūpaṁ dyaur iva puṣyati nabhantām anyake same ||

yasmin viśvāni kāvyā cakre nābhir iva śritā |
tritaṁ jūtī saparyata vraje gāvo na saṁyuje yuje aśvām̐ ayukṣata nabhantām anyake same ||

ya āsv atka āśaye viśvā jātāny eṣām |
pari dhāmāni marmṛśad varuṇasya puro gaye viśve devā anu vrataṁ nabhantām anyake same ||

sa samudro apīcyas turo dyām iva rohati ni yad āsu yajur dadhe |
sa māyā arcinā padāstṛṇān nākam āruhan nabhantām anyake same ||

yasya śvetā vicakṣaṇā tisro bhūmīr adhikṣitaḥ |
trir uttarāṇi papratur varuṇasya dhruvaṁ sadaḥ sa saptānām irajyati nabhantām anyake same ||

yaḥ śvetām̐ adhinirṇijaś cakre kṛṣṇām̐ anu vratā |
sa dhāma pūrvyam mame yaḥ skambhena vi rodasī ajo na dyām adhārayan nabhantām anyake same ||