ઋગ્વેદ · અધ્યાય 8.020

આ ગન્તા મા રિષણ્યત પ્રસ્થાવાનો માપ સ્થાતા સમન્યવઃ ।
સ્થિરા ચિન્ નમયિષ્ણવઃ ॥

વીળુપવિભિર્ મરુત ઋભુક્ષણ આ રુદ્રાસઃ સુદીતિભિઃ ।
ઇષા નો અદ્યા ગતા પુરુસ્પૃહો યજ્ઞમ્ આ સોભરીયવઃ ॥

વિદ્મા હિ રુદ્રિયાણાં શુષ્મમ્ ઉગ્રમ્ મરુતાં શિમીવતામ્ ।
વિષ્ણોર્ એષસ્ય મીળ્હુષામ્ ॥

વિ દ્વીપાનિ પાપતન્ તિષ્ઠદ્ દુચ્છુનોભે યુજન્ત રોદસી ।
પ્ર ધન્વાન્ય્ ઐરત શુભ્રખાદયો યદ્ એજથ સ્વભાનવઃ ॥

અચ્યુતા ચિદ્ વો અજ્મન્ન્ આ નાનદતિ પર્વતાસો વનસ્પતિઃ ।
ભૂમિર્ યામેષુ રેજતે ॥

અમાય વો મરુતો યાતવે દ્યૌર્ જિહીત ઉત્તરા બૃહત્ ।
યત્રા નરો દેદિશતે તનૂષ્વ્ આ ત્વક્ષાંસિ બાહ્વોજસઃ ॥

સ્વધામ્ અનુ શ્રિયં નરો મહિ ત્વેષા અમવન્તો વૃષપ્સવઃ ।
વહન્તે અહ્રુતપ્સવઃ ॥

ગોભિર્ વાણો અજ્યતે સોભરીણાં રથે કોશે હિરણ્યયે ।
ગોબન્ધવઃ સુજાતાસ ઇષે ભુજે મહાન્તો નઃ સ્પરસે નુ ॥

પ્રતિ વો વૃષદઞ્જયો વૃષ્ણે શર્ધાય મારુતાય ભરધ્વમ્ ।
હવ્યા વૃષપ્રયાવ્ણે ॥

વૃષણશ્વેન મરુતો વૃષપ્સુના રથેન વૃષનાભિના ।
આ શ્યેનાસો ન પક્ષિણો વૃથા નરો હવ્યા નો વીતયે ગત ॥

સમાનમ્ અઞ્જ્ય્ એષાં વિ ભ્રાજન્તે રુક્માસો અધિ બાહુષુ ।
દવિદ્યુતત્ય્ ઋષ્ટયઃ ॥

ત ઉગ્રાસો વૃષણ ઉગ્રબાહવો નકિષ્ ટનૂષુ યેતિરે ।
સ્થિરા ધન્વાન્ય્ આયુધા રથેષુ વો ઽનીકેષ્વ્ અધિ શ્રિયઃ ॥

યેષામ્ અર્ણો ન સપ્રથો નામ ત્વેષં શશ્વતામ્ એકમ્ ઇદ્ ભુજે ।
વયો ન પિત્ર્યં સહઃ ॥

તાન્ વન્દસ્વ મરુતસ્ તાઁ ઉપ સ્તુહિ તેષાં હિ ધુનીનામ્ ।
અરાણાં ન ચરમસ્ તદ્ એષાં દાના મહ્ના તદ્ એષામ્ ॥

સુભગઃ સ વ ઊતિષ્વ્ આસ પૂર્વાસુ મરુતો વ્યુષ્ટિષુ ।
યો વા નૂનમ્ ઉતાસતિ ॥

યસ્ય વા યૂયમ્ પ્રતિ વાજિનો નર આ હવ્યા વીતયે ગથ ।
અભિ ષ દ્યુમ્નૈર્ ઉત વાજસાતિભિઃ સુમ્ના વો ધૂતયો નશત્ ॥

યથા રુદ્રસ્ય સૂનવો દિવો વશન્ત્ય્ અસુરસ્ય વેધસઃ ।
યુવાનસ્ તથેદ્ અસત્ ॥

યે ચાર્હન્તિ મરુતઃ સુદાનવઃ સ્મન્ મીળ્હુષશ્ ચરન્તિ યે ।
અતશ્ ચિદ્ આ ન ઉપ વસ્યસા હૃદા યુવાન આ વવૃધ્વમ્ ॥

યૂન ઊ ષુ નવિષ્ઠયા વૃષ્ણઃ પાવકાઁ અભિ સોભરે ગિરા ।
ગાય ગા ઇવ ચર્કૃષત્ ॥

સાહા યે સન્તિ મુષ્ટિહેવ હવ્યો વિશ્વાસુ પૃત્સુ હોતૃષુ ।
વૃષ્ણશ્ ચન્દ્રાન્ ન સુશ્રવસ્તમાન્ ગિરા વન્દસ્વ મરુતો અહ ॥

ગાવશ્ ચિદ્ ઘા સમન્યવઃ સજાત્યેન મરુતઃ સબન્ધવઃ ।
રિહતે કકુભો મિથઃ ॥

મર્તશ્ ચિદ્ વો નૃતવો રુક્મવક્ષસ ઉપ ભ્રાતૃત્વમ્ આયતિ ।
અધિ નો ગાત મરુતઃ સદા હિ વ આપિત્વમ્ અસ્તિ નિધ્રુવિ ॥

મરુતો મારુતસ્ય ન આ ભેષજસ્ય વહતા સુદાનવઃ ।
યૂયં સખાયઃ સપ્તયઃ ॥

યાભિઃ સિન્ધુમ્ અવથ યાભિસ્ તૂર્વથ યાભિર્ દશસ્યથા ક્રિવિમ્ ।
મયો નો ભૂતોતિભિર્ મયોભુવઃ શિવાભિર્ અસચદ્વિષઃ ॥

યત્ સિન્ધૌ યદ્ અસિક્ન્યાં યત્ સમુદ્રેષુ મરુતઃ સુબર્હિષઃ ।
યત્ પર્વતેષુ ભેષજમ્ ॥

વિશ્વમ્ પશ્યન્તો બિભૃથા તનૂષ્વ્ આ તેના નો અધિ વોચત ।
ક્ષમા રપો મરુત આતુરસ્ય ન ઇષ્કર્તા વિહ્રુતમ્ પુનઃ ॥