ઋગ્વેદ · અધ્યાય 8.015

તમ્ વ્ અભિ પ્ર ગાયત પુરુહૂતમ્ પુરુષ્ટુતમ્ ।
ઇન્દ્રં ગીર્ભિસ્ તવિષમ્ આ વિવાસત ॥

યસ્ય દ્વિબર્હસો બૃહત્ સહો દાધાર રોદસી ।
ગિરીઁર્ અજ્રાઁ અપઃ સ્વર્ વૃષત્વના ॥

સ રાજસિ પુરુષ્ટુતઁ એકો વૃત્રાણિ જિઘ્નસે ।
ઇન્દ્ર જૈત્રા શ્રવસ્યા ચ યન્તવે ॥

તં તે મદં ગૃણીમસિ વૃષણમ્ પૃત્સુ સાસહિમ્ ।
ઉ લોકકૃત્નુમ્ અદ્રિવો હરિશ્રિયમ્ ॥

યેન જ્યોતીંષ્ય્ આયવે મનવે ચ વિવેદિથ ।
મન્દાનો અસ્ય બર્હિષો વિ રાજસિ ॥

તદ્ અદ્યા ચિત્ ત ઉક્થિનો ઽનુ ષ્ટુવન્તિ પૂર્વથા ।
વૃષપત્નીર્ અપો જયા દિવે-દિવે ॥

તવ ત્યદ્ ઇન્દ્રિયમ્ બૃહત્ તવ શુષ્મમ્ ઉત ક્રતુમ્ ।
વજ્રં શિશાતિ ધિષણા વરેણ્યમ્ ॥

તવ દ્યૌર્ ઇન્દ્ર પૌંસ્યમ્ પૃથિવી વર્ધતિ શ્રવઃ ।
ત્વામ્ આપઃ પર્વતાસશ્ ચ હિન્વિરે ॥

ત્વાં વિષ્ણુર્ બૃહન્ ક્ષયો મિત્રો ગૃણાતિ વરુણઃ ।
ત્વાં શર્ધો મદત્ય્ અનુ મારુતમ્ ॥

ત્વં વૃષા જનાનામ્ મંહિષ્ઠ ઇન્દ્ર જજ્ઞિષે ।
સત્રા વિશ્વા સ્વપત્યાનિ દધિષે ॥

સત્રા ત્વમ્ પુરુષ્ટુતઁ એકો વૃત્રાણિ તોશસે ।
નાન્ય ઇન્દ્રાત્ કરણમ્ ભૂય ઇન્વતિ ॥

યદ્ ઇન્દ્ર મન્મશસ્ ત્વા નાના હવન્ત ઊતયે ।
અસ્માકેભિર્ નૃભિર્ અત્રા સ્વર્ જય ॥

અરં ક્ષયાય નો મહે વિશ્વા રૂપાણ્ય્ આવિશન્ ।
ઇન્દ્રં જૈત્રાય હર્ષયા શચીપતિમ્ ॥