ઋગ્વેદ · અધ્યાય 8.014

યદ્ ઇન્દ્રાહં યથા ત્વમ્ ઈશીય વસ્વ એક ઇત્ ।
સ્તોતા મે ગોષખા સ્યાત્ ॥

શિક્ષેયમ્ અસ્મૈ દિત્સેયં શચીપતે મનીષિણે ।
યદ્ અહં ગોપતિઃ સ્યામ્ ॥

ધેનુષ્ ટ ઇન્દ્ર સૂનૃતા યજમાનાય સુન્વતે ।
ગામ્ અશ્વમ્ પિપ્યુષી દુહે ॥

ન તે વર્તાસ્તિ રાધસ ઇન્દ્ર દેવો ન મર્ત્યઃ ।
યદ્ દિત્સસિ સ્તુતો મઘમ્ ॥

યજ્ઞ ઇન્દ્રમ્ અવર્ધયદ્ યદ્ ભૂમિં વ્ય્ અવર્તયત્ ।
ચક્રાણ ઓપશં દિવિ ॥

વાવૃધાનસ્ય તે વયં વિશ્વા ધનાનિ જિગ્યુષઃ ।
ઊતિમ્ ઇન્દ્રા વૃણીમહે ॥

વ્ય્ અ1ન્તરિક્ષમ્ અતિરન્ મદે સોમસ્ય રોચના ।
ઇન્દ્રો યદ્ અભિનદ્ વલમ્ ॥

ઉદ્ ગા આજદ્ અઙ્ગિરોભ્ય આવિષ્ કૃણ્વન્ ગુહા સતીઃ ।
અર્વાઞ્ચં નુનુદે વલમ્ ॥

ઇન્દ્રેણ રોચના દિવો દૃળ્હાનિ દૃંહિતાનિ ચ ।
સ્થિરાણિ ન પરાણુદે ॥

અપામ્ ઊર્મિર્ મદન્ન્ ઇવ સ્તોમ ઇન્દ્રાજિરાયતે ।
વિ તે મદા અરાજિષુઃ ॥

ત્વં હિ સ્તોમવર્ધન ઇન્દ્રાસ્ય્ ઉક્થવર્ધનઃ ।
સ્તોતૄણામ્ ઉત ભદ્રકૃત્ ॥

ઇન્દ્રમ્ ઇત્ કેશિના હરી સોમપેયાય વક્ષતઃ ।
ઉપ યજ્ઞં સુરાધસમ્ ॥

અપામ્ ફેનેન નમુચેઃ શિર ઇન્દ્રોદ્ અવર્તયઃ ।
વિશ્વા યદ્ અજયઃ સ્પૃધઃ ॥

માયાભિર્ ઉત્સિસૃપ્સત ઇન્દ્ર દ્યામ્ આરુરુક્ષતઃ ।
અવ દસ્યૂઁર્ અધૂનુથાઃ ॥

અસુન્વામ્ ઇન્દ્ર સંસદં વિષૂચીં વ્ય્ અનાશયઃ ।
સોમપા ઉત્તરો ભવન્ ॥