ઋગ્વેદ · અધ્યાય 8.012

ય ઇન્દ્ર સોમપાતમો મદઃ શવિષ્ઠ ચેતતિ ।
યેના હંસિ ન્ય્ અ1ત્રિણં તમ્ ઈમહે ॥

યેના દશગ્વમ્ અધ્રિગું વેપયન્તં સ્વર્ણરમ્ ।
યેના સમુદ્રમ્ આવિથા તમ્ ઈમહે ॥

યેન સિન્ધુમ્ મહીર્ અપો રથાઁ ઇવ પ્રચોદયઃ ।
પન્થામ્ ઋતસ્ય યાતવે તમ્ ઈમહે ॥

ઇમં સ્તોમમ્ અભિષ્ટયે ઘૃતં ન પૂતમ્ અદ્રિવઃ ।
યેના નુ સદ્ય ઓજસા વવક્ષિથ ॥

ઇમં જુષસ્વ ગિર્વણઃ સમુદ્ર ઇવ પિન્વતે ।
ઇન્દ્ર વિશ્વાભિર્ ઊતિભિર્ વવક્ષિથ ॥

યો નો દેવઃ પરાવતઃ સખિત્વનાય મામહે ।
દિવો ન વૃષ્ટિમ્ પ્રથયન્ વવક્ષિથ ॥

વવક્ષુર્ અસ્ય કેતવ ઉત વજ્રો ગભસ્ત્યોઃ ।
યત્ સૂર્યો ન રોદસી અવર્ધયત્ ॥

યદિ પ્રવૃદ્ધ સત્પતે સહસ્રમ્ મહિષાઁ અઘઃ ।
આદ્ ઇત્ ત ઇન્દ્રિયમ્ મહિ પ્ર વાવૃધે ॥

ઇન્દ્રઃ સૂર્યસ્ય રશ્મિભિર્ ન્ય્ અર્શસાનમ્ ઓષતિ ।
અગ્નિર્ વનેવ સાસહિઃ પ્ર વાવૃધે ॥

ઇયં ત ઋત્વિયાવતી ધીતિર્ એતિ નવીયસી ।
સપર્યન્તી પુરુપ્રિયા મિમીત ઇત્ ॥

ગર્ભો યજ્ઞસ્ય દેવયુઃ ક્રતુમ્ પુનીત આનુષક્ ।
સ્તોમૈર્ ઇન્દ્રસ્ય વાવૃધે મિમીત ઇત્ ॥

સનિર્ મિત્રસ્ય પપ્રથ ઇન્દ્રઃ સોમસ્ય પીતયે ।
પ્રાચી વાશીવ સુન્વતે મિમીત ઇત્ ॥

યં વિપ્રા ઉક્થવાહસો ઽભિપ્રમન્દુર્ આયવઃ ।
ઘૃતં ન પિપ્ય આસન્ય્ ઋતસ્ય યત્ ॥

ઉત સ્વરાજે અદિતિઃ સ્તોમમ્ ઇન્દ્રાય જીજનત્ ।
પુરુપ્રશસ્તમ્ ઊતય ઋતસ્ય યત્ ॥

અભિ વહ્નય ઊતયે ઽનૂષત પ્રશસ્તયે ।
ન દેવ વિવ્રતા હરી ઋતસ્ય યત્ ॥

યત્ સોમમ્ ઇન્દ્ર વિષ્ણવિ યદ્ વા ઘ ત્રિત આપ્ત્યે ।
યદ્ વા મરુત્સુ મન્દસે સમ્ ઇન્દુભિઃ ॥

યદ્ વા શક્ર પરાવતિ સમુદ્રે અધિ મન્દસે ।
અસ્માકમ્ ઇત્ સુતે રણા સમ્ ઇન્દુભિઃ ॥

યદ્ વાસિ સુન્વતો વૃધો યજમાનસ્ય સત્પતે ।
ઉક્થે વા યસ્ય રણ્યસિ સમ્ ઇન્દુભિઃ ॥

દેવં-દેવં વો ઽવસ ઇન્દ્રમ્-ઇન્દ્રં ગૃણીષણિ ।
અધા યજ્ઞાય તુર્વણે વ્ય્ આનશુઃ ॥

યજ્ઞેભિર્ યજ્ઞવાહસં સોમેભિઃ સોમપાતમમ્ ।
હોત્રાભિર્ ઇન્દ્રં વાવૃધુર્ વ્ય્ આનશુઃ ॥

મહીર્ અસ્ય પ્રણીતયઃ પૂર્વીર્ ઉત પ્રશસ્તયઃ ।
વિશ્વા વસૂનિ દાશુષે વ્ય્ આનશુઃ ॥

ઇન્દ્રં વૃત્રાય હન્તવે દેવાસો દધિરે પુરઃ ।
ઇન્દ્રં વાણીર્ અનૂષતા સમ્ ઓજસે ॥

મહાન્તમ્ મહિના વયં સ્તોમેભિર્ હવનશ્રુતમ્ ।
અર્કૈર્ અભિ પ્ર ણોનુમઃ સમ્ ઓજસે ॥

ન યં વિવિક્તો રોદસી નાન્તરિક્ષાણિ વજ્રિણમ્ ।
અમાદ્ ઇદ્ અસ્ય તિત્વિષે સમ્ ઓજસઃ ॥

યદ્ ઇન્દ્ર પૃતનાજ્યે દેવાસ્ ત્વા દધિરે પુરઃ ।
આદ્ ઇત્ તે હર્યતા હરી વવક્ષતુઃ ॥

યદા વૃત્રં નદીવૃતં શવસા વજ્રિન્ન્ અવધીઃ ।
આદ્ ઇત્ તે હર્યતા હરી વવક્ષતુઃ ॥

યદા તે વિષ્ણુર્ ઓજસા ત્રીણિ પદા વિચક્રમે ।
આદ્ ઇત્ તે હર્યતા હરી વવક્ષતુઃ ॥

યદા તે હર્યતા હરી વાવૃધાતે દિવે-દિવે ।
આદ્ ઇત્ તે વિશ્વા ભુવનાનિ યેમિરે ॥

યદા તે મારુતીર્ વિશસ્ તુભ્યમ્ ઇન્દ્ર નિયેમિરે ।
આદ્ ઇત્ તે વિશ્વા ભુવનાનિ યેમિરે ॥

યદા સૂર્યમ્ અમું દિવિ શુક્રં જ્યોતિર્ અધારયઃ ।
આદ્ ઇત્ તે વિશ્વા ભુવનાનિ યેમિરે ॥

ઇમાં ત ઇન્દ્ર સુષ્ટુતિં વિપ્ર ઇયર્તિ ધીતિભિઃ ।
જામિમ્ પદેવ પિપ્રતીમ્ પ્રાધ્વરે ॥

યદ્ અસ્ય ધામનિ પ્રિયે સમીચીનાસો અસ્વરન્ ।
નાભા યજ્ઞસ્ય દોહના પ્રાધ્વરે ॥

સુવીર્યં સ્વશ્વ્યં સુગવ્યમ્ ઇન્દ્ર દદ્ધિ નઃ ।
હોતેવ પૂર્વચિત્તયે પ્રાધ્વરે ॥