ઋગ્વેદ · અધ્યાય 8.010

યત્ સ્થો દીર્ઘપ્રસદ્મનિ યદ્ વાદો રોચને દિવઃ ।
યદ્ વા સમુદ્રે અધ્ય્ આકૃતે ગૃહે ઽત આ યાતમ્ અશ્વિના ॥

યદ્ વા યજ્ઞમ્ મનવે સમ્મિમિક્ષથુર્ એવેત્ કાણ્વસ્ય બોધતમ્ ।
બૃહસ્પતિં વિશ્વાન્ દેવાઁ અહં હુવ ઇન્દ્રાવિષ્ણૂ અશ્વિનાવ્ આશુહેષસા ॥

ત્યા ન્વ્ અ1શ્વિના હુવે સુદંસસા ગૃભે કૃતા ।
યયોર્ અસ્તિ પ્ર ણઃ સખ્યં દેવેષ્વ્ અધ્ય્ આપ્યમ્ ॥

યયોર્ અધિ પ્ર યજ્ઞા અસૂરે સન્તિ સૂરયઃ ।
તા યજ્ઞસ્યાધ્વરસ્ય પ્રચેતસા સ્વધાભિર્ યા પિબતઃ સોમ્યમ્ મધુ ॥

યદ્ અદ્યાશ્વિનાવ્ અપાગ્ યત્ પ્રાક્ સ્થો વાજિનીવસૂ ।
યદ્ દ્રુહ્યવ્ય્ અનવિ તુર્વશે યદૌ હુવે વામ્ અથ મા ગતમ્ ॥

યદ્ અન્તરિક્ષે પતથઃ પુરુભુજા યદ્ વેમે રોદસી અનુ ।
યદ્ વા સ્વધાભિર્ અધિતિષ્ઠથો રથમ્ અત આ યાતમ્ અશ્વિના ॥