ઋગ્વેદ · અધ્યાય 8.009

આ નૂનમ્ અશ્વિના યુવં વત્સસ્ય ગન્તમ્ અવસે ।
પ્રાસ્મૈ યચ્છતમ્ અવૃકમ્ પૃથુ ચ્છર્દિર્ યુયુતં યા અરાતયઃ ॥

યદ્ અન્તરિક્ષે યદ્ દિવિ યત્ પઞ્ચ માનુષાઁ અનુ ।
નૃમ્ણં તદ્ ધત્તમ્ અશ્વિના ॥

યે વાં દંસાંસ્ય્ અશ્વિના વિપ્રાસઃ પરિમામૃશુઃ ।
એવેત્ કાણ્વસ્ય બોધતમ્ ॥

અયં વાં ઘર્મો અશ્વિના સ્તોમેન પરિ ષિચ્યતે ।
અયં સોમો મધુમાન્ વાજિનીવસૂ યેન વૃત્રં ચિકેતથઃ ॥

યદ્ અપ્સુ યદ્ વનસ્પતૌ યદ્ ઓષધીષુ પુરુદંસસા કૃતમ્ ।
તેન માવિષ્ટમ્ અશ્વિના ॥

યન્ નાસત્યા ભુરણ્યથો યદ્ વા દેવ ભિષજ્યથઃ ।
અયં વાં વત્સો મતિભિર્ ન વિન્ધતે હવિષ્મન્તં હિ ગચ્છથઃ ॥

આ નૂનમ્ અશ્વિનોર્ ઋષિઃ સ્તોમં ચિકેત વામયા ।
આ સોમમ્ મધુમત્તમં ઘર્મં સિઞ્ચાદ્ અથર્વણિ ॥

આ નૂનં રઘુવર્તનિં રથં તિષ્ઠાથો અશ્વિના ।
આ વાં સ્તોમા ઇમે મમ નભો ન ચુચ્યવીરત ॥

યદ્ અદ્ય વાં નાસત્યોક્થૈર્ આચુચ્યુવીમહિ ।
યદ્ વા વાણીભિર્ અશ્વિનેવેત્ કાણ્વસ્ય બોધતમ્ ॥

યદ્ વાં કક્ષીવાઁ ઉત યદ્ વ્યશ્વ ઋષિર્ યદ્ વાં દીર્ઘતમા જુહાવ ।
પૃથી યદ્ વાં વૈન્યઃ સાદનેષ્વ્ એવેદ્ અતો અશ્વિના ચેતયેથામ્ ॥

યાતં છર્દિષ્પા ઉત નઃ પરસ્પા ભૂતં જગત્પા ઉત નસ્ તનૂપા ।
વર્તિસ્ તોકાય તનયાય યાતમ્ ॥

યદ્ ઇન્દ્રેણ સરથં યાથો અશ્વિના યદ્ વા વાયુના ભવથઃ સમોકસા ।
યદ્ આદિત્યેભિર્ ઋભુભિઃ સજોષસા યદ્ વા વિષ્ણોર્ વિક્રમણેષુ તિષ્ઠથઃ ॥

યદ્ અદ્યાશ્વિનાવ્ અહં હુવેય વાજસાતયે ।
યત્ પૃત્સુ તુર્વણે સહસ્ તચ્ છ્રેષ્ઠમ્ અશ્વિનોર્ અવઃ ॥

આ નૂનં યાતમ્ અશ્વિનેમા હવ્યાનિ વાં હિતા ।
ઇમે સોમાસો અધિ તુર્વશે યદાવ્ ઇમે કણ્વેષુ વામ્ અથ ॥

યન્ નાસત્યા પરાકે અર્વાકે અસ્તિ ભેષજમ્ ।
તેન નૂનં વિમદાય પ્રચેતસા છર્દિર્ વત્સાય યચ્છતમ્ ॥

અભુત્સ્ય્ ઉ પ્ર દેવ્યા સાકં વાચાહમ્ અશ્વિનોઃ ।
વ્ય્ આવર્ દેવ્ય્ આ મતિં વિ રાતિમ્ મર્ત્યેભ્યઃ ॥

પ્ર બોધયોષો અશ્વિના પ્ર દેવિ સૂનૃતે મહિ ।
પ્ર યજ્ઞહોતર્ આનુષક્ પ્ર મદાય શ્રવો બૃહત્ ॥

યદ્ ઉષો યાસિ ભાનુના સં સૂર્યેણ રોચસે ।
આ હાયમ્ અશ્વિનો રથો વર્તિર્ યાતિ નૃપાય્યમ્ ॥

યદ્ આપીતાસો અંશવો ગાવો ન દુહ્ર ઊધભિઃ ।
યદ્ વા વાણીર્ અનૂષત પ્ર દેવયન્તો અશ્વિના ॥

પ્ર દ્યુમ્નાય પ્ર શવસે પ્ર નૃષાહ્યાય શર્મણે ।
પ્ર દક્ષાય પ્રચેતસા ॥

યન્ નૂનં ધીભિર્ અશ્વિના પિતુર્ યોના નિષીદથઃ ।
યદ્ વા સુમ્નેભિર્ ઉક્થ્યા ॥