ઋગ્વેદ · અધ્યાય 8.008

આ નો વિશ્વાભિર્ ઊતિભિર્ અશ્વિના ગચ્છતં યુવમ્ ।
દસ્રા હિરણ્યવર્તની પિબતં સોમ્યમ્ મધુ ॥

આ નૂનં યાતમ્ અશ્વિના રથેન સૂર્યત્વચા ।
ભુજી હિરણ્યપેશસા કવી ગમ્ભીરચેતસા ॥

આ યાતં નહુષસ્ પર્ય્ આન્તરિક્ષાત્ સુવૃક્તિભિઃ ।
પિબાથો અશ્વિના મધુ કણ્વાનાં સવને સુતમ્ ॥

આ નો યાતં દિવસ્ પર્ય્ આન્તરિક્ષાદ્ અધપ્રિયા ।
પુત્રઃ કણ્વસ્ય વામ્ ઇહ સુષાવ સોમ્યમ્ મધુ ॥

આ નો યાતમ્ ઉપશ્રુત્ય્ અશ્વિના સોમપીતયે ।
સ્વાહા સ્તોમસ્ય વર્ધના પ્ર કવી ધીતિભિર્ નરા ॥

યચ્ ચિદ્ ધિ વામ્ પુર ઋષયો જુહૂરે ઽવસે નરા ।
આ યાતમ્ અશ્વિના ગતમ્ ઉપેમાં સુષ્ટુતિમ્ મમ ॥

દિવશ્ ચિદ્ રોચનાદ્ અધ્ય્ આ નો ગન્તં સ્વર્વિદા ।
ધીભિર્ વત્સપ્રચેતસા સ્તોમેભિર્ હવનશ્રુતા ॥

કિમ્ અન્યે પર્ય્ આસતે ઽસ્મત્ સ્તોમેભિર્ અશ્વિના ।
પુત્રઃ કણ્વસ્ય વામ્ ઋષિર્ ગીર્ભિર્ વત્સો અવીવૃધત્ ॥

આ વાં વિપ્ર ઇહાવસે ઽહ્વત્ સ્તોમેભિર્ અશ્વિના ।
અરિપ્રા વૃત્રહન્તમા તા નો ભૂતમ્ મયોભુવા ॥

આ યદ્ વાં યોષણા રથમ્ અતિષ્ઠદ્ વાજિનીવસૂ ।
વિશ્વાન્ય્ અશ્વિના યુવમ્ પ્ર ધીતાન્ય્ અગચ્છતમ્ ॥

અતઃ સહસ્રનિર્ણિજા રથેના યાતમ્ અશ્વિના ।
વત્સો વામ્ મધુમદ્ વચો ઽશંસીત્ કાવ્યઃ કવિઃ ॥

પુરુમન્દ્રા પુરૂવસૂ મનોતરા રયીણામ્ ।
સ્તોમમ્ મે અશ્વિનાવ્ ઇમમ્ અભિ વહ્ની અનૂષાતામ્ ॥

આ નો વિશ્વાન્ય્ અશ્વિના ધત્તં રાધાંસ્ય્ અહ્રયા ।
કૃતં ન ઋત્વિયાવતો મા નો રીરધતં નિદે ॥

યન્ નાસત્યા પરાવતિ યદ્ વા સ્થો અધ્ય્ અમ્બરે ।
અતઃ સહસ્રનિર્ણિજા રથેના યાતમ્ અશ્વિના ॥

યો વાં નાસત્યાવ્ ઋષિર્ ગીર્ભિર્ વત્સો અવીવૃધત્ ।
તસ્મૈ સહસ્રનિર્ણિજમ્ ઇષં ધત્તં ઘૃતશ્ચુતમ્ ॥

પ્રાસ્મા ઊર્જં ઘૃતશ્ચુતમ્ અશ્વિના યચ્છતં યુવમ્ ।
યો વાં સુમ્નાય તુષ્ટવદ્ વસૂયાદ્ દાનુનસ્ પતી ॥

આ નો ગન્તં રિશાદસેમં સ્તોમમ્ પુરુભુજા ।
કૃતં નઃ સુશ્રિયો નરેમા દાતમ્ અભિષ્ટયે ॥

આ વાં વિશ્વાભિર્ ઊતિભિઃ પ્રિયમેધા અહૂષત ।
રાજન્તાવ્ અધ્વરાણામ્ અશ્વિના યામહૂતિષુ ॥

આ નો ગન્તમ્ મયોભુવાશ્વિના શમ્ભુવા યુવમ્ ।
યો વાં વિપન્યૂ ધીતિભિર્ ગીર્ભિર્ વત્સો અવીવૃધત્ ॥

યાભિઃ કણ્વમ્ મેધાતિથિં યાભિર્ વશં દશવ્રજમ્ ।
યાભિર્ ગોશર્યમ્ આવતં તાભિર્ નો ઽવતં નરા ॥

યાભિર્ નરા ત્રસદસ્યુમ્ આવતં કૃત્વ્યે ધને ।
તાભિઃ ષ્વ્ અ1સ્માઁ અશ્વિના પ્રાવતં વાજસાતયે ॥

પ્ર વાં સ્તોમાઃ સુવૃક્તયો ગિરો વર્ધન્ત્વ્ અશ્વિના ।
પુરુત્રા વૃત્રહન્તમા તા નો ભૂતમ્ પુરુસ્પૃહા ॥

ત્રીણિ પદાન્ય્ અશ્વિનોર્ આવિઃ સાન્તિ ગુહા પરઃ ।
કવી ઋતસ્ય પત્મભિર્ અર્વાગ્ જીવેભ્યસ્ પરિ ॥