ઋગ્વેદ · અધ્યાય 8.007

પ્ર યદ્ વસ્ ત્રિષ્ટુભમ્ ઇષમ્ મરુતો વિપ્રો અક્ષરત્ ।
વિ પર્વતેષુ રાજથ ॥

યદ્ અઙ્ગ તવિષીયવો યામં શુભ્રા અચિધ્વમ્ ।
નિ પર્વતા અહાસત ॥

ઉદ્ ઈરયન્ત વાયુભિર્ વાશ્રાસઃ પૃશ્નિમાતરઃ ।
ધુક્ષન્ત પિપ્યુષીમ્ ઇષમ્ ॥

વપન્તિ મરુતો મિહમ્ પ્ર વેપયન્તિ પર્વતાન્ ।
યદ્ યામં યાન્તિ વાયુભિઃ ॥

નિ યદ્ યામાય વો ગિરિર્ નિ સિન્ધવો વિધર્મણે ।
મહે શુષ્માય યેમિરે ॥

યુષ્માઁ ઉ નક્તમ્ ઊતયે યુષ્માન્ દિવા હવામહે ।
યુષ્માન્ પ્રયત્ય્ અધ્વરે ॥

ઉદ્ ઉ ત્યે અરુણપ્સવશ્ ચિત્રા યામેભિર્ ઈરતે ।
વાશ્રા અધિ ષ્ણુના દિવઃ ॥

સૃજન્તિ રશ્મિમ્ ઓજસા પન્થાં સૂર્યાય યાતવે ।
તે ભાનુભિર્ વિ તસ્થિરે ॥

ઇમામ્ મે મરુતો ગિરમ્ ઇમં સ્તોમમ્ ઋભુક્ષણઃ ।
ઇમમ્ મે વનતા હવમ્ ॥

ત્રીણિ સરાંસિ પૃશ્નયો દુદુહ્રે વજ્રિણે મધુ ।
ઉત્સં કવન્ધમ્ ઉદ્રિણમ્ ॥

મરુતો યદ્ ધ વો દિવઃ સુમ્નાયન્તો હવામહે ।
આ તૂ ન ઉપ ગન્તન ॥

યૂયં હિ ષ્ઠા સુદાનવો રુદ્રા ઋભુક્ષણો દમે ।
ઉત પ્રચેતસો મદે ॥

આ નો રયિમ્ મદચ્યુતમ્ પુરુક્ષું વિશ્વધાયસમ્ ।
ઇયર્તા મરુતો દિવઃ ॥

અધીવ યદ્ ગિરીણાં યામં શુભ્રા અચિધ્વમ્ ।
સુવાનૈર્ મન્દધ્વ ઇન્દુભિઃ ॥

એતાવતશ્ ચિદ્ એષાં સુમ્નમ્ ભિક્ષેત મર્ત્યઃ ।
અદાભ્યસ્ય મન્મભિઃ ॥

યે દ્રપ્સા ઇવ રોદસી ધમન્ત્ય્ અનુ વૃષ્ટિભિઃ ।
ઉત્સં દુહન્તો અક્ષિતમ્ ॥

ઉદ્ ઉ સ્વાનેભિર્ ઈરત ઉદ્ રથૈર્ ઉદ્ ઉ વાયુભિઃ ।
ઉત્ સ્તોમૈઃ પૃશ્નિમાતરઃ ॥

યેનાવ તુર્વશં યદું યેન કણ્વં ધનસ્પૃતમ્ ।
રાયે સુ તસ્ય ધીમહિ ॥

ઇમા ઉ વઃ સુદાનવો ઘૃતં ન પિપ્યુષીર્ ઇષઃ ।
વર્ધાન્ કાણ્વસ્ય મન્મભિઃ ॥

ક્વ નૂનં સુદાનવો મદથા વૃક્તબર્હિષઃ ।
બ્રહ્મા કો વઃ સપર્યતિ ॥

નહિ ષ્મ યદ્ ધ વઃ પુરા સ્તોમેભિર્ વૃક્તબર્હિષઃ ।
શર્ધાઁ ઋતસ્ય જિન્વથ ॥

સમ્ ઉ ત્યે મહતીર્ અપઃ સં ક્ષોણી સમ્ ઉ સૂર્યમ્ ।
સં વજ્રમ્ પર્વશો દધુઃ ॥

વિ વૃત્રમ્ પર્વશો યયુર્ વિ પર્વતાઁ અરાજિનઃ ।
ચક્રાણા વૃષ્ણિ પૌંસ્યમ્ ॥

અનુ ત્રિતસ્ય યુધ્યતઃ શુષ્મમ્ આવન્ન્ ઉત ક્રતુમ્ ।
અન્વ્ ઇન્દ્રં વૃત્રતૂર્યે ॥

વિદ્યુદ્ધસ્તા અભિદ્યવઃ શિપ્રાઃ શીર્ષન્ હિરણ્યયીઃ ।
શુભ્રા વ્ય્ અઞ્જત શ્રિયે ॥

ઉશના યત્ પરાવત ઉક્ષ્ણો રન્ધ્રમ્ અયાતન ।
દ્યૌર્ ન ચક્રદદ્ ભિયા ॥

આ નો મખસ્ય દાવને ઽશ્વૈર્ હિરણ્યપાણિભિઃ ।
દેવાસ ઉપ ગન્તન ॥

યદ્ એષામ્ પૃષતી રથે પ્રષ્ટિર્ વહતિ રોહિતઃ ।
યાન્તિ શુભ્રા રિણન્ન્ અપઃ ॥

સુષોમે શર્યણાવત્ય્ આર્જીકે પસ્ત્યાવતિ ।
યયુર્ નિચક્રયા નરઃ ॥

કદા ગચ્છાથ મરુત ઇત્થા વિપ્રં હવમાનમ્ ।
માર્ડીકેભિર્ નાધમાનમ્ ॥

કદ્ ધ નૂનં કધપ્રિયો યદ્ ઇન્દ્રમ્ અજહાતન ।
કો વઃ સખિત્વ ઓહતે ॥

સહો ષુ ણો વજ્રહસ્તૈઃ કણ્વાસો અગ્નિમ્ મરુદ્ભિઃ ।
સ્તુષે હિરણ્યવાશીભિઃ ॥

ઓ ષુ વૃષ્ણઃ પ્રયજ્યૂન્ આ નવ્યસે સુવિતાય ।
વવૃત્યાં ચિત્રવાજાન્ ॥

ગિરયશ્ ચિન્ નિ જિહતે પર્શાનાસો મન્યમાનાઃ ।
પર્વતાશ્ ચિન્ નિ યેમિરે ॥

આક્ષ્ણયાવાનો વહન્ત્ય્ અન્તરિક્ષેણ પતતઃ ।
ધાતારઃ સ્તુવતે વયઃ ॥

અગ્નિર્ હિ જાનિ પૂર્વ્યશ્ છન્દો ન સૂરો અર્ચિષા ।
તે ભાનુભિર્ વિ તસ્થિરે ॥