ઋગ્વેદ · અધ્યાય 8.006

મહાઁ ઇન્દ્રો ય ઓજસા પર્જન્યો વૃષ્ટિમાઁ ઇવ ।
સ્તોમૈર્ વત્સસ્ય વાવૃધે ॥

પ્રજામ્ ઋતસ્ય પિપ્રતઃ પ્ર યદ્ ભરન્ત વહ્નયઃ ।
વિપ્રા ઋતસ્ય વાહસા ॥

કણ્વા ઇન્દ્રં યદ્ અક્રત સ્તોમૈર્ યજ્ઞસ્ય સાધનમ્ ।
જામિ બ્રુવત આયુધમ્ ॥

સમ્ અસ્ય મન્યવે વિશો વિશ્વા નમન્ત કૃષ્ટયઃ ।
સમુદ્રાયેવ સિન્ધવઃ ॥

ઓજસ્ તદ્ અસ્ય તિત્વિષ ઉભે યત્ સમવર્તયત્ ।
ઇન્દ્રશ્ ચર્મેવ રોદસી ॥

વિ ચિદ્ વૃત્રસ્ય દોધતો વજ્રેણ શતપર્વણા ।
શિરો બિભેદ વૃષ્ણિના ॥

ઇમા અભિ પ્ર ણોનુમો વિપામ્ અગ્રેષુ ધીતયઃ ।
અગ્નેઃ શોચિર્ ન દિદ્યુતઃ ॥

ગુહા સતીર્ ઉપ ત્મના પ્ર યચ્ છોચન્ત ધીતયઃ ।
કણ્વા ઋતસ્ય ધારયા ॥

પ્ર તમ્ ઇન્દ્ર નશીમહિ રયિં ગોમન્તમ્ અશ્વિનમ્ ।
પ્ર બ્રહ્મ પૂર્વચિત્તયે ॥

અહમ્ ઇદ્ ધિ પિતુષ્ પરિ મેધામ્ ઋતસ્ય જગ્રભ ।
અહં સૂર્ય ઇવાજનિ ॥

અહમ્ પ્રત્નેન મન્મના ગિરઃ શુમ્ભામિ કણ્વવત્ ।
યેનેન્દ્રઃ શુષ્મમ્ ઇદ્ દધે ॥

યે ત્વામ્ ઇન્દ્ર ન તુષ્ટુવુર્ ઋષયો યે ચ તુષ્ટુવુઃ ।
મમેદ્ વર્ધસ્વ સુષ્ટુતઃ ॥

યદ્ અસ્ય મન્યુર્ અધ્વનીદ્ વિ વૃત્રમ્ પર્વશો રુજન્ ।
અપઃ સમુદ્રમ્ ઐરયત્ ॥

નિ શુષ્ણ ઇન્દ્ર ધર્ણસિં વજ્રં જઘન્થ દસ્યવિ ।
વૃષા હ્ય્ ઉગ્ર શૃણ્વિષે ॥

ન દ્યાવ ઇન્દ્રમ્ ઓજસા નાન્તરિક્ષાણિ વજ્રિણમ્ ।
ન વિવ્યચન્ત ભૂમયઃ ॥

યસ્ ત ઇન્દ્ર મહીર્ અપઃ સ્તભૂયમાન આશયત્ ।
નિ તમ્ પદ્યાસુ શિશ્નથઃ ॥

ય ઇમે રોદસી મહી સમીચી સમજગ્રભીત્ ।
તમોભિર્ ઇન્દ્ર તં ગુહઃ ॥

ય ઇન્દ્ર યતયસ્ ત્વા ભૃગવો યે ચ તુષ્ટુવુઃ ।
મમેદ્ ઉગ્ર શ્રુધી હવમ્ ॥

ઇમાસ્ ત ઇન્દ્ર પૃશ્નયો ઘૃતં દુહત આશિરમ્ ।
એનામ્ ઋતસ્ય પિપ્યુષીઃ ॥

યા ઇન્દ્ર પ્રસ્વસ્ ત્વાસા ગર્ભમ્ અચક્રિરન્ ।
પરિ ધર્મેવ સૂર્યમ્ ॥

ત્વામ્ ઇચ્ છવસસ્ પતે કણ્વા ઉક્થેન વાવૃધુઃ ।
ત્વાં સુતાસ ઇન્દવઃ ॥

તવેદ્ ઇન્દ્ર પ્રણીતિષૂત પ્રશસ્તિર્ અદ્રિવઃ ।
યજ્ઞો વિતન્તસાય્યઃ ॥

આ ન ઇન્દ્ર મહીમ્ ઇષમ્ પુરં ન દર્ષિ ગોમતીમ્ ।
ઉત પ્રજાં સુવીર્યમ્ ॥

ઉત ત્યદ્ આશ્વશ્વ્યં યદ્ ઇન્દ્ર નાહુષીષ્વ્ આ ।
અગ્રે વિક્ષુ પ્રદીદયત્ ॥

અભિ વ્રજં ન તત્નિષે સૂર ઉપાકચક્ષસમ્ ।
યદ્ ઇન્દ્ર મૃળયાસિ નઃ ॥

યદ્ અઙ્ગ તવિષીયસ ઇન્દ્ર પ્રરાજસિ ક્ષિતીઃ ।
મહાઁ અપાર ઓજસા ॥

તં ત્વા હવિષ્મતીર્ વિશ ઉપ બ્રુવત ઊતયે ।
ઉરુજ્રયસમ્ ઇન્દુભિઃ ॥

ઉપહ્વરે ગિરીણાં સંગથે ચ નદીનામ્ ।
ધિયા વિપ્રો અજાયત ॥

અતઃ સમુદ્રમ્ ઉદ્વતશ્ ચિકિત્વાઁ અવ પશ્યતિ ।
યતો વિપાન એજતિ ॥

આદ્ ઇત્ પ્રત્નસ્ય રેતસો જ્યોતિષ્ પશ્યન્તિ વાસરમ્ ।
પરો યદ્ ઇધ્યતે દિવા ॥

કણ્વાસ ઇન્દ્ર તે મતિં વિશ્વે વર્ધન્તિ પૌંસ્યમ્ ।
ઉતો શવિષ્ઠ વૃષ્ણ્યમ્ ॥

ઇમામ્ મ ઇન્દ્ર સુષ્ટુતિં જુષસ્વ પ્ર સુ મામ્ અવ ।
ઉત પ્ર વર્ધયા મતિમ્ ॥

ઉત બ્રહ્મણ્યા વયં તુભ્યમ્ પ્રવૃદ્ધ વજ્રિવઃ ।
વિપ્રા અતક્ષ્મ જીવસે ॥

અભિ કણ્વા અનૂષતાપો ન પ્રવતા યતીઃ ।
ઇન્દ્રં વનન્વતી મતિઃ ॥

ઇન્દ્રમ્ ઉક્થાનિ વાવૃધુઃ સમુદ્રમ્ ઇવ સિન્ધવઃ ।
અનુત્તમન્યુમ્ અજરમ્ ॥

આ નો યાહિ પરાવતો હરિભ્યાં હર્યતાભ્યામ્ ।
ઇમમ્ ઇન્દ્ર સુતમ્ પિબ ॥

ત્વામ્ ઇદ્ વૃત્રહન્તમ જનાસો વૃક્તબર્હિષઃ ।
હવન્તે વાજસાતયે ॥

અનુ ત્વા રોદસી ઉભે ચક્રં ન વર્ત્ય્ એતશમ્ ।
અનુ સુવાનાસ ઇન્દવઃ ॥

મન્દસ્વા સુ સ્વર્ણર ઉતેન્દ્ર શર્યણાવતિ ।
મત્સ્વા વિવસ્વતો મતી ॥

વાવૃધાન ઉપ દ્યવિ વૃષા વજ્ર્ય્ અરોરવીત્ ।
વૃત્રહા સોમપાતમઃ ॥

ઋષિર્ હિ પૂર્વજા અસ્ય્ એક ઈશાન ઓજસા ।
ઇન્દ્ર ચોષ્કૂયસે વસુ ॥

અસ્માકં ત્વા સુતાઁ ઉપ વીતપૃષ્ઠા અભિ પ્રયઃ ।
શતં વહન્તુ હરયઃ ॥

ઇમાં સુ પૂર્વ્યાં ધિયમ્ મધોર્ ઘૃતસ્ય પિપ્યુષીમ્ ।
કણ્વા ઉક્થેન વાવૃધુઃ ॥

ઇન્દ્રમ્ ઇદ્ વિમહીનામ્ મેધે વૃણીત મર્ત્યઃ ।
ઇન્દ્રં સનિષ્યુર્ ઊતયે ॥

અર્વાઞ્ચં ત્વા પુરુષ્ટુત પ્રિયમેધસ્તુતા હરી ।
સોમપેયાય વક્ષતઃ ॥

શતમ્ અહં તિરિન્દિરે સહસ્રમ્ પર્શાવ્ આ દદે ।
રાધાંસિ યાદ્વાનામ્ ॥

ત્રીણિ શતાન્ય્ અર્વતાં સહસ્રા દશ ગોનામ્ ।
દદુષ્ પજ્રાય સામ્ને ॥

ઉદ્ આનટ્ કકુહો દિવમ્ ઉષ્ટ્રાઞ્ ચતુર્યુજો દદત્ ।
શ્રવસા યાદ્વં જનમ્ ॥