ઋગ્વેદ · અધ્યાય 8.005

દૂરાદ્ ઇહેવ યત્ સત્ય્ અરુણપ્સુર્ અશિશ્વિતત્ ।
વિ ભાનું વિશ્વધાતનત્ ॥

નૃવદ્ દસ્રા મનોયુજા રથેન પૃથુપાજસા ।
સચેથે અશ્વિનોષસમ્ ॥

યુવાભ્યાં વાજિનીવસૂ પ્રતિ સ્તોમા અદૃક્ષત ।
વાચં દૂતો યથોહિષે ॥

પુરુપ્રિયા ણ ઊતયે પુરુમન્દ્રા પુરૂવસૂ ।
સ્તુષે કણ્વાસો અશ્વિના ॥

મંહિષ્ઠા વાજસાતમેષયન્તા શુભસ્ પતી ।
ગન્તારા દાશુષો ગૃહમ્ ॥

તા સુદેવાય દાશુષે સુમેધામ્ અવિતારિણીમ્ ।
ઘૃતૈર્ ગવ્યૂતિમ્ ઉક્ષતમ્ ॥

આ નઃ સ્તોમમ્ ઉપ દ્રવત્ તૂયં શ્યેનેભિર્ આશુભિઃ ।
યાતમ્ અશ્વેભિર્ અશ્વિના ॥

યેભિસ્ તિસ્રઃ પરાવતો દિવો વિશ્વાનિ રોચના ।
ત્રીઁર્ અક્તૂન્ પરિદીયથઃ ॥

ઉત નો ગોમતીર્ ઇષ ઉત સાતીર્ અહર્વિદા ।
વિ પથઃ સાતયે સિતમ્ ॥

આ નો ગોમન્તમ્ અશ્વિના સુવીરં સુરથં રયિમ્ ।
વોળ્હમ્ અશ્વાવતીર્ ઇષઃ ॥

વાવૃધાના શુભસ્ પતી દસ્રા હિરણ્યવર્તની ।
પિબતં સોમ્યમ્ મધુ ॥

અસ્મભ્યં વાજિનીવસૂ મઘવદ્ભ્યશ્ ચ સપ્રથઃ ।
છર્દિર્ યન્તમ્ અદાભ્યમ્ ॥

નિ ષુ બ્રહ્મ જનાનાં યાવિષ્ટં તૂયમ્ આ ગતમ્ ।
મો ષ્વ્ અ1ન્યાઁ ઉપારતમ્ ॥

અસ્ય પિબતમ્ અશ્વિના યુવમ્ મદસ્ય ચારુણઃ ।
મધ્વો રાતસ્ય ધિષ્ણ્યા ॥

અસ્મે આ વહતં રયિં શતવન્તં સહસ્રિણમ્ ।
પુરુક્ષું વિશ્વધાયસમ્ ॥

પુરુત્રા ચિદ્ ધિ વાં નરા વિહ્વયન્તે મનીષિણઃ ।
વાઘદ્ભિર્ અશ્વિના ગતમ્ ॥

જનાસો વૃક્તબર્હિષો હવિષ્મન્તો અરંકૃતઃ ।
યુવાં હવન્તે અશ્વિના ॥

અસ્માકમ્ અદ્ય વામ્ અયં સ્તોમો વાહિષ્ઠો અન્તમઃ ।
યુવાભ્યામ્ ભૂત્વ્ અશ્વિના ॥

યો હ વામ્ મધુનો દૃતિર્ આહિતો રથચર્ષણે ।
તતઃ પિબતમ્ અશ્વિના ॥

તેન નો વાજિનીવસૂ પશ્વે તોકાય શં ગવે ।
વહતમ્ પીવરીર્ ઇષઃ ॥

ઉત નો દિવ્યા ઇષ ઉત સિન્ધૂઁર્ અહર્વિદા ।
અપ દ્વારેવ વર્ષથઃ ॥

કદા વાં તૌગ્ર્યો વિધત્ સમુદ્રે જહિતો નરા ।
યદ્ વાં રથો વિભિષ્ પતાત્ ॥

યુવં કણ્વાય નાસત્યા ઋપિરિપ્તાય હર્મ્યે ।
શશ્વદ્ ઊતીર્ દશસ્યથઃ ॥

તાભિર્ આ યાતમ્ ઊતિભિર્ નવ્યસીભિઃ સુશસ્તિભિઃ ।
યદ્ વાં વૃષણ્વસૂ હુવે ॥

યથા ચિત્ કણ્વમ્ આવતમ્ પ્રિયમેધમ્ ઉપસ્તુતમ્ ।
અત્રિં શિઞ્જારમ્ અશ્વિના ॥

યથોત કૃત્વ્યે ધને ઽંશું ગોષ્વ્ અગસ્ત્યમ્ ।
યથા વાજેષુ સોભરિમ્ ॥

એતાવદ્ વાં વૃષણ્વસૂ અતો વા ભૂયો અશ્વિના ।
ગૃણન્તઃ સુમ્નમ્ ઈમહે ॥

રથં હિરણ્યવન્ધુરં હિરણ્યાભીશુમ્ અશ્વિના ।
આ હિ સ્થાથો દિવિસ્પૃશમ્ ॥

હિરણ્યયી વાં રભિર્ ઈષા અક્ષો હિરણ્યયઃ ।
ઉભા ચક્રા હિરણ્યયા ॥

તેન નો વાજિનીવસૂ પરાવતશ્ ચિદ્ આ ગતમ્ ।
ઉપેમાં સુષ્ટુતિમ્ મમ ॥

આ વહેથે પરાકાત્ પૂર્વીર્ અશ્નન્તાવ્ અશ્વિના ।
ઇષો દાસીર્ અમર્ત્યા ॥

આ નો દ્યુમ્નૈર્ આ શ્રવોભિર્ આ રાયા યાતમ્ અશ્વિના ।
પુરુશ્ચન્દ્રા નાસત્યા ॥

એહ વામ્ પ્રુષિતપ્સવો વયો વહન્તુ પર્ણિનઃ ।
અચ્છા સ્વધ્વરં જનમ્ ॥

રથં વામ્ અનુગાયસં ય ઇષા વર્તતે સહ ।
ન ચક્રમ્ અભિ બાધતે ॥

હિરણ્યયેન રથેન દ્રવત્પાણિભિર્ અશ્વૈઃ ।
ધીજવના નાસત્યા ॥

યુવમ્ મૃગં જાગૃવાંસં સ્વદથો વા વૃષણ્વસૂ ।
તા નઃ પૃઙ્ક્તમ્ ઇષા રયિમ્ ॥

તા મે અશ્વિના સનીનાં વિદ્યાતં નવાનામ્ ।
યથા ચિચ્ ચૈદ્યઃ કશુઃ શતમ્ ઉષ્ટ્રાનાં દદત્ સહસ્રા દશ ગોનામ્ ॥

યો મે હિરણ્યસંદૃશો દશ રાજ્ઞો અમંહત ।
અધસ્પદા ઇચ્ ચૈદ્યસ્ય કૃષ્ટયશ્ ચર્મમ્ના અભિતો જનાઃ ॥

માકિર્ એના પથા ગાદ્ યેનેમે યન્તિ ચેદયઃ ।
અન્યો નેત્ સૂરિર્ ઓહતે ભૂરિદાવત્તરો જનઃ ॥