ઋગ્વેદ · અધ્યાય 8.004

યદ્ ઇન્દ્ર પ્રાગ્ અપાગ્ ઉદઙ્ ન્યગ્ વા હૂયસે નૃભિઃ ।
સિમા પુરૂ નૃષૂતો અસ્ય્ આનવે ઽસિ પ્રશર્ધ તુર્વશે ॥

યદ્ વા રુમે રુશમે શ્યાવકે કૃપ ઇન્દ્ર માદયસે સચા ।
કણ્વાસસ્ ત્વા બ્રહ્મભિઃ સ્તોમવાહસ ઇન્દ્રા યચ્છન્ત્ય્ આ ગહિ ॥

યથા ગૌરો અપા કૃતં તૃષ્યન્ન્ એત્ય્ અવેરિણમ્ ।
આપિત્વે નઃ પ્રપિત્વે તૂયમ્ આ ગહિ કણ્વેષુ સુ સચા પિબ ॥

મન્દન્તુ ત્વા મઘવન્ન્ ઇન્દ્રેન્દવો રાધોદેયાય સુન્વતે ।
આમુષ્યા સોમમ્ અપિબશ્ ચમૂ સુતં જ્યેષ્ઠં તદ્ દધિષે સહઃ ॥

પ્ર ચક્રે સહસા સહો બભઞ્જ મન્યુમ્ ઓજસા ।
વિશ્વે ત ઇન્દ્ર પૃતનાયવો યહો નિ વૃક્ષા ઇવ યેમિરે ॥

સહસ્રેણેવ સચતે યવીયુધા યસ્ ત આનળ્ ઉપસ્તુતિમ્ ।
પુત્રમ્ પ્રાવર્ગં કૃણુતે સુવીર્યે દાશ્નોતિ નમüક્તિભિઃ ॥

મા ભેમ મા શ્રમિષ્મોગ્રસ્ય સખ્યે તવ ।
મહત્ તે વૃષ્ણો અભિચક્ષ્યં કૃતમ્ પશ્યેમ તુર્વશં યદુમ્ ॥

સવ્યામ્ અનુ સ્ફિગ્યં વાવસે વૃષા ન દાનો અસ્ય રોષતિ ।
મધ્વા સમ્પૃક્તાઃ સારઘેણ ધેનવસ્ તૂયમ્ એહિ દ્રવા પિબ ॥

અશ્વી રથી સુરૂપ ઇદ્ ગોમાઁ ઇદ્ ઇન્દ્ર તે સખા ।
શ્વાત્રભાજા વયસા સચતે સદા ચન્દ્રો યાતિ સભામ્ ઉપ ॥

ઋશ્યો ન તૃષ્યન્ન્ અવપાનમ્ આ ગહિ પિબા સોમં વશાઁ અનુ ।
નિમેઘમાનો મઘવન્ દિવે-દિવ ઓજિષ્ઠં દધિષે સહઃ ॥

અધ્વર્યો દ્રાવયા ત્વં સોમમ્ ઇન્દ્રઃ પિપાસતિ ।
ઉપ નૂનં યુયુજે વૃષણા હરી આ ચ જગામ વૃત્રહા ॥

સ્વયં ચિત્ સ મન્યતે દાશુરિર્ જનો યત્રા સોમસ્ય તૃમ્પસિ ।
ઇદં તે અન્નં યુજ્યં સમુક્ષિતં તસ્યેહિ પ્ર દ્રવા પિબ ॥

રથેષ્ઠાયાધ્વર્યવઃ સોમમ્ ઇન્દ્રાય સોતન ।
અધિ બ્રધ્નસ્યાદ્રયો વિ ચક્ષતે સુન્વન્તો દાશ્વધ્વરમ્ ॥

ઉપ બ્રધ્નં વાવાતા વૃષણા હરી ઇન્દ્રમ્ અપસુ વક્ષતઃ ।
અર્વાઞ્ચં ત્વા સપ્તયો ઽધ્વરશ્રિયો વહન્તુ સવનેદ્ ઉપ ॥

પ્ર પૂષણં વૃણીમહે યુજ્યાય પુરૂવસુમ્ ।
સ શક્ર શિક્ષ પુરુહૂત નો ધિયા તુજે રાયે વિમોચન ॥

સં નઃ શિશીહિ ભુરિજોર્ ઇવ ક્ષુરં રાસ્વ રાયો વિમોચન ।
ત્વે તન્ નઃ સુવેદમ્ ઉસ્રિયં વસુ યં ત્વં હિનોષિ મર્ત્યમ્ ॥

વેમિ ત્વા પૂષન્ન્ ઋઞ્જસે વેમિ સ્તોતવ આઘૃણે ।
ન તસ્ય વેમ્ય્ અરણં હિ તદ્ વસો સ્તુષે પજ્રાય સામ્ને ॥

પરા ગાવો યવસં કચ્ ચિદ્ આઘૃણે નિત્યં રેક્ણો અમર્ત્ય ।
અસ્માકમ્ પૂષન્ન્ અવિતા શિવો ભવ મંહિષ્ઠો વાજસાતયે ॥

સ્થૂરં રાધઃ શતાશ્વં કુરુઙ્ગસ્ય દિવિષ્ટિષુ ।
રાજ્ઞસ્ ત્વેષસ્ય સુભગસ્ય રાતિષુ તુર્વશેષ્વ્ અમન્મહિ ॥

ધીભિઃ સાતાનિ કાણ્વસ્ય વાજિનઃ પ્રિયમેધૈર્ અભિદ્યુભિઃ ।
ષષ્ટિં સહસ્રાનુ નિર્મજામ્ અજે નિર્ યૂથાનિ ગવામ્ ઋષિઃ ॥

વૃક્ષાશ્ ચિન્ મે અભિપિત્વે અરારણુઃ ।
ગામ્ ભજન્ત મેહનાશ્વમ્ ભજન્ત મેહના ॥