ઋગ્વેદ · અધ્યાય 7.096

બૃહદ્ ઉ ગાયિષે વચો ઽસુર્યા નદીનામ્ ।
સરસ્વતીમ્ ઇન્ મહયા સુવૃક્તિભિઃ સ્તોમૈર્ વસિષ્ઠ રોદસી ॥

ઉભે યત્ તે મહિના શુભ્રે અન્ધસી અધિક્ષિયન્તિ પૂરવઃ ।
સા નો બોધ્ય્ અવિત્રી મરુત્સખા ચોદ રાધો મઘોનામ્ ॥

ભદ્રમ્ ઇદ્ ભદ્રા કૃણવત્ સરસ્વત્ય્ અકવારી ચેતતિ વાજિનીવતી ।
ગૃણાના જમદગ્નિવત્ સ્તુવાના ચ વસિષ્ઠવત્ ॥

જનીયન્તો ન્વ્ અગ્રવઃ પુત્રીયન્તઃ સુદાનવઃ ।
સરસ્વન્તં હવામહે ॥

યે તે સરસ્વ ઊર્મયો મધુમન્તો ઘૃતશ્ચુતઃ ।
તેભિર્ નો ઽવિતા ભવ ॥

પીપિવાંસં સરસ્વતઃ સ્તનં યો વિશ્વદર્શતઃ ।
ભક્ષીમહિ પ્રજામ્ ઇષમ્ ॥