ઋગ્વેદ · અધ્યાય 7.095

પ્ર ક્ષોદસા ધાયસા સસ્ર એષા સરસ્વતી ધરુણમ્ આયસી પૂઃ ।
પ્રબાબધાના રથ્યેવ યાતિ વિશ્વા અપો મહિના સિન્ધુર્ અન્યાઃ ॥

એકાચેતત્ સરસ્વતી નદીનાં શુચિર્ યતી ગિરિભ્ય આ સમુદ્રાત્ ।
રાયશ્ ચેતન્તી ભુવનસ્ય ભૂરેર્ ઘૃતમ્ પયો દુદુહે નાહુષાય ॥

સ વાવૃધે નર્યો યોષણાસુ વૃષા શિશુર્ વૃષભો યજ્ઞિયાસુ ।
સ વાજિનમ્ મઘવદ્ભ્યો દધાતિ વિ સાતયે તન્વમ્ મામૃજીત ॥

ઉત સ્યા નઃ સરસ્વતી જુષાણોપ શ્રવત્ સુભગા યજ્ણે અસ્મિન્ ।
મિતજ્ઞુભિર્ નમસ્યૈર્ ઇયાના રાયા યુજા ચિદ્ ઉત્તરા સખિભ્યઃ ॥

ઇમા જુહ્વાના યુષ્મદ્ આ નમોભિઃ પ્રતિ સ્તોમં સરસ્વતિ જુષસ્વ ।
તવ શર્મન્ પ્રિયતમે દધાના ઉપ સ્થેયામ શરણં ન વૃક્ષમ્ ॥

અયમ્ ઉ તે સરસ્વતિ વસિષ્ઠો દ્વારાવ્ ઋતસ્ય સુભગે વ્ય્ આવઃ ।
વર્ધ શુભ્રે સ્તુવતે રાસિ વાજાન્ યૂયમ્ પાત સ્વસ્તિભિઃ સદા નઃ ॥