ઋગ્વેદ · અધ્યાય 7.084

આ વાં રાજાનાવ્ અધ્વરે વવૃત્યાં હવ્યેભિર્ ઇન્દ્રાવરુણા નમોભિઃ ।
પ્ર વાં ઘૃતાચી બાહ્વોર્ દધાના પરિ ત્મના વિષુરૂપા જિગાતિ ॥

યુવો રાષ્ટ્રમ્ બૃહદ્ ઇન્વતિ દ્યૌર્ યૌ સેતૃભિર્ અરજ્જુભિઃ સિનીથઃ ।
પરિ નો હેળો વરુણસ્ય વૃજ્યા ઉરું ન ઇન્દ્રઃ કૃણવદ્ ઉ લોકમ્ ॥

કૃતં નો યજ્ઞં વિદથેષુ ચારું કૃતમ્ બ્રહ્માણિ સૂરિષુ પ્રશસ્તા ।
ઉપો રયિર્ દેવજૂતો ન એતુ પ્ર ણઃ સ્પાર્હાભિર્ ઊતિભિસ્ તિરેતમ્ ॥

અસ્મે ઇન્દ્રાવરુણા વિશ્વવારં રયિં ધત્તં વસુમન્તમ્ પુરુક્ષુમ્ ।
પ્ર ય આદિત્યો અનૃતા મિનાત્ય્ અમિતા શૂરો દયતે વસૂનિ ॥

ઇયમ્ ઇન્દ્રં વરુણમ્ અષ્ટ મે ગીઃ પ્રાવત્ તોકે તનયે તૂતુજાના ।
સુરત્નાસો દેવવીતિં ગમેમ યૂયમ્ પાત સ્વસ્તિભિઃ સદા નઃ ॥