ઋગ્વેદ · અધ્યાય 7.083

યુવાં નરા પશ્યમાનાસ આપ્યમ્ પ્રાચા ગવ્યન્તઃ પૃથુપર્શવો યયુઃ ।
દાસા ચ વૃત્રા હતમ્ આર્યાણિ ચ સુદાસમ્ ઇન્દ્રાવરુણાવસાવતમ્ ॥

યત્રા નરઃ સમયન્તે કૃતધ્વજો યસ્મિન્ન્ આજા ભવતિ કિં ચન પ્રિયમ્ ।
યત્રા ભયન્તે ભુવના સ્વર્દૃશસ્ તત્રા ન ઇન્દ્રાવરુણાધિ વોચતમ્ ॥

સમ્ ભૂમ્યા અન્તા ધ્વસિરા અદૃક્ષતેન્દ્રાવરુણા દિવિ ઘોષ આરુહત્ ।
અસ્થુર્ જનાનામ્ ઉપ મામ્ અરાતયો ઽર્વાગ્ અવસા હવનશ્રુતા ગતમ્ ॥

ઇન્દ્રાવરુણા વધનાભિર્ અપ્રતિ ભેદં વન્વન્તા પ્ર સુદાસમ્ આવતમ્ ।
બ્રહ્માણ્ય્ એષાં શૃણુતં હવીમનિ સત્યા તૃત્સૂનામ્ અભવત્ પુરોહિતિઃ ॥

ઇન્દ્રાવરુણાવ્ અભ્ય્ આ તપન્તિ માઘાન્ય્ અર્યો વનુષામ્ અરાતયઃ ।
યુવં હિ વસ્વ ઉભયસ્ય રાજથો ઽધ સ્મા નો ઽવતમ્ પાર્યે દિવિ ॥

યુવાં હવન્ત ઉભયાસ આજિષ્વ્ ઇન્દ્રં ચ વસ્વો વરુણં ચ સાતયે ।
યત્ર રાજભિર્ દશભિર્ નિબાધિતમ્ પ્ર સુદાસમ્ આવતં તૃત્સુભિઃ સહ ॥

દશ રાજાનઃ સમિતા અયજ્યવઃ સુદાસમ્ ઇન્દ્રાવરુણા ન યુયુધુઃ ।
સત્યા નૃણામ્ અદ્મસદામ્ ઉપસ્તુતિર્ દેવા એષામ્ અભવન્ દેવહૂતિષુ ॥

દાશરાજ્ઞે પરિયત્તાય વિશ્વતઃ સુદાસ ઇન્દ્રાવરુણાવ્ અશિક્ષતમ્ ।
શ્વિત્યઞ્ચો યત્ર નમસા કપર્દિનો ધિયા ધીવન્તો અસપન્ત તૃત્સવઃ ॥

વૃત્રાણ્ય્ અન્યઃ સમિથેષુ જિઘ્નતે વ્રતાન્ય્ અન્યો અભિ રક્ષતે સદા ।
હવામહે વાં વૃષણા સુવૃક્તિભિર્ અસ્મે ઇન્દ્રાવરુણા શર્મ યચ્છતમ્ ॥

અસ્મે ઇન્દ્રો વરુણો મિત્રો અર્યમા દ્યુમ્નં યચ્છન્તુ મહિ શર્મ સપ્રથઃ ।
અવધ્રં જ્યોતિર્ અદિતેર્ ઋતાવૃધો દેવસ્ય શ્લોકં સવિતુર્ મનામહે ॥