ઋગ્વેદ · અધ્યાય 7.077

ઉપો રુરુચે યુવતિર્ ન યોષા વિશ્વં જીવમ્ પ્રસુવન્તી ચરાયૈ ।
અભૂદ્ અગ્નિઃ સમિધે માનુષાણામ્ અકર્ જ્યોતિર્ બાધમાના તમાંસિ ॥

વિશ્વમ્ પ્રતીચી સપ્રથા ઉદ્ અસ્થાદ્ રુશદ્ વાસો બિભ્રતી શુક્રમ્ અશ્વૈત્ ।
હિરણ્યવર્ણા સુદૃશીકસંદૃગ્ ગવામ્ માતા નેત્ર્ય્ અહ્નામ્ અરોચિ ॥

દેવાનાં ચક્ષુઃ સુભગા વહન્તી શ્વેતં નયન્તી સુદૃશીકમ્ અશ્વમ્ ।
ઉષા અદર્શિ રશ્મિભિર્ વ્યક્તા ચિત્રામઘા વિશ્વમ્ અનુ પ્રભૂતા ॥

અન્તિવામા દૂરે અમિત્રમ્ ઉચ્છોર્વીં ગવ્યૂતિમ્ અભયં કૃધી નઃ ।
યાવય દ્વેષ આ ભરા વસૂનિ ચોદય રાધો ગૃણતે મઘોનિ ॥

અસ્મે શ્રેષ્ઠેભિર્ ભાનુભિર્ વિ ભાહ્ય્ ઉષો દેવિ પ્રતિરન્તી ન આયુઃ ।
ઇષં ચ નો દધતી વિશ્વવારે ગોમદ્ અશ્વાવદ્ રથવચ્ ચ રાધઃ ॥

યાં ત્વા દિવો દુહિતર્ વર્ધયન્ત્ય્ ઉષઃ સુજાતે મતિભિર્ વસિષ્ઠાઃ ।
સાસ્માસુ ધા રયિમ્ ઋષ્વમ્ બૃહન્તં યૂયમ્ પાત સ્વસ્તિભિઃ સદા નઃ ॥