ઋગ્વેદ · અધ્યાય 7.078

પ્રતિ કેતવઃ પ્રથમા અદૃશ્રન્ન્ ઊર્ધ્વા અસ્યા અઞ્જયો વિ શ્રયન્તે ।
ઉષો અર્વાચા બૃહતા રથેન જ્યોતિષ્મતા વામમ્ અસ્મભ્યં વક્ષિ ॥

પ્રતિ ષીમ્ અગ્નિર્ જરતે સમિદ્ધઃ પ્રતિ વિપ્રાસો મતિભિર્ ગૃણન્તઃ ।
ઉષા યાતિ જ્યોતિષા બાધમાના વિશ્વા તમાંસિ દુરિતાપ દેવી ॥

એતા ઉ ત્યાઃ પ્રત્ય્ અદૃશ્રન્ પુરસ્તાજ્ જ્યોતિર્ યચ્છન્તીર્ ઉષસો વિભાતીઃ ।
અજીજનન્ સૂર્યં યજ્ઞમ્ અગ્નિમ્ અપાચીનં તમો અગાદ્ અજુષ્ટમ્ ॥

અચેતિ દિવો દુહિતા મઘોની વિશ્વે પશ્યન્ત્ય્ ઉષસં વિભાતીમ્ ।
આસ્થાદ્ રથં સ્વધયા યુજ્યમાનમ્ આ યમ્ અશ્વાસઃ સુયુજો વહન્તિ ॥

પ્રતિ ત્વાદ્ય સુમનસો બુધન્તાસ્માકાસો મઘવાનો વયં ચ ।
તિલ્વિલાયધ્વમ્ ઉષસો વિભાતીર્ યૂયમ્ પાત સ્વસ્તિભિઃ સદા નઃ ॥