ઋગ્વેદ · અધ્યાય 7.069

આ વાં રથો રોદસી બદ્બધાનો હિરણ્યયો વૃષભિર્ યાત્વ્ અશ્વૈઃ ।
ઘૃતવર્તનિઃ પવિભી રુચાન ઇષાં વોળ્હા નૃપતિર્ વાજિનીવાન્ ॥

સ પપ્રથાનો અભિ પઞ્ચ ભૂમા ત્રિવન્ધુરો મનસા યાતુ યુક્તઃ ।
વિશો યેન ગચ્છથો દેવયન્તીઃ કુત્રા ચિદ્ યામમ્ અશ્વિના દધાના ॥

સ્વશ્વા યશસા યાતમ્ અર્વાગ્ દસ્રા નિધિમ્ મધુમન્તમ્ પિબાથઃ ।
વિ વાં રથો વધ્વા3 યાદમાનો ઽન્તાન્ દિવો બાધતે વર્તનિભ્યામ્ ॥

યુવોઃ શ્રિયમ્ પરિ યોષાવૃણીત સૂરો દુહિતા પરિતક્મ્યાયામ્ ।
યદ્ દેવયન્તમ્ અવથઃ શચીભિઃ પરિ ઘ્રંસમ્ ઓમના વાં વયો ગાત્ ॥

યો હ સ્ય વાં રથિરા વસ્ત ઉસ્રા રથો યુજાનઃ પરિયાતિ વર્તિઃ ।
તેન નઃ શં યોર્ ઉષસો વ્યુષ્ટૌ ન્ય્ અશ્વિના વહતં યજ્ઞે અસ્મિન્ ॥

નરા ગૌરેવ વિદ્યુતં તૃષાણાસ્માકમ્ અદ્ય સવનોપ યાતમ્ ।
પુરુત્રા હિ વામ્ મતિભિર્ હવન્તે મા વામ્ અન્યે નિ યમન્ દેવયન્તઃ ॥

યુવમ્ ભુજ્યુમ્ અવવિદ્ધં સમુદ્ર ઉદ્ ઊહથુર્ અર્ણસો અસ્રિધાનૈઃ ।
પતત્રિભિર્ અશ્રમૈર્ અવ્યથિભિર્ દંસનાભિર્ અશ્વિના પારયન્તા ॥

નૂ મે હવમ્ આ શૃણુતં યુવાના યાસિષ્ટં વર્તિર્ અશ્વિનાવ્ ઇરાવત્ ।
ધત્તં રત્નાનિ જરતં ચ સૂરીન્ યૂયમ્ પાત સ્વસ્તિભિઃ સદા નઃ ॥