ઋગ્વેદ · અધ્યાય 7.068

આ શુભ્રા યાતમ્ અશ્વિના સ્વશ્વા ગિરો દસ્રા જુજુષાણા યુવાકોઃ ।
હવ્યાનિ ચ પ્રતિભૃતા વીતં નઃ ॥

પ્ર વામ્ અન્ધાંસિ મદ્યાન્ય્ અસ્થુર્ અરં ગન્તં હવિષો વીતયે મે ।
તિરો અર્યો હવનાનિ શ્રુતં નઃ ॥

પ્ર વાં રથો મનોજવા ઇયર્તિ તિરો રજાંસ્ય્ અશ્વિના શતોતિઃ ।
અસ્મભ્યં સૂર્યાવસૂ ઇયાનઃ ॥

અયં હ યદ્ વાં દેવયા ઉ અદ્રિર્ ઊર્ધ્વો વિવક્તિ સોમસુદ્ યુવભ્યામ્ ।
આ વલ્ગૂ વિપ્રો વવૃતીત હવ્યૈઃ ॥

ચિત્રં હ યદ્ વામ્ ભોજનં ન્વ્ અસ્તિ ન્ય્ અત્રયે મહિષ્વન્તં યુયોતમ્ ।
યો વામ્ ઓમાનં દધતે પ્રિયઃ સન્ ॥

ઉત ત્યદ્ વાં જુરતે અશ્વિના ભૂચ્ ચ્યવાનાય પ્રતીત્યં હવિર્દે ।
અધિ યદ્ વર્પ ઇતઊતિ ધત્થઃ ॥

ઉત ત્યમ્ ભુજ્યુમ્ અશ્વિના સખાયો મધ્યે જહુર્ દુરેવાસઃ સમુદ્રે ।
નિર્ ઈમ્ પર્ષદ્ અરાવા યો યુવાકુઃ ॥

વૃકાય ચિજ્ જસમાનાય શક્તમ્ ઉત શ્રુતં શયવે હૂયમાના ।
યાવ્ અઘ્ન્યામ્ અપિન્વતમ્ અપો ન સ્તર્યં ચિચ્ છક્ત્ય્ અશ્વિના શચીભિઃ ॥

એષ સ્ય કારુર્ જરતે સૂક્તૈર્ અગ્રે બુધાન ઉષસાં સુમન્મા ।
ઇષા તં વર્ધદ્ અઘ્ન્યા પયોભિર્ યૂયમ્ પાત સ્વસ્તિભિઃ સદા નઃ ॥